TITUS 2:8 - Susula Malalaok Hehelu Palak Ma Hehelu Beuk

⁸ Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.

TITUS 2:8 ပူးပေါင်းရင်းမြစ်များ

NEHEMIA 5:9

Boema au afa'da seluk-kasa ae, “Emi tatao-nono'im ndia, ta malole fa! Emi muse maso'da no mame'da bibii-namata'uk neu Manetualain. No enok ndia, ita musun fo lamatua tak sila, emi ta fes loak soaneu lakamumulu-lakamamaek ita fa.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

MARKUS 12:17

Boema Yesus nafa'das nae, “Naa, metema leondiak soona, Kesel nuun bee soona fen leo Kese la neu, ma Manetualain nuun bee soona, fen leo Manetualai na neu.” Lamanene Yesus nae leondia boema, ala dodoo doa kana.

MARKUS 12:28

Boema mese agama esa ana mai nenene Yesus no hataholi maleme nakabubuak Saduki la hala-kokola nala. Mese agama ndia nita Yesus nataa basa hataholi sila la natatane nala no malole. Boema natane Yesus nae, “Paleta bee ka nde lenaheni basa paleta lala'ena?”

MARKUS 12:32

Boema mese agama ndia nafa'da Yesus nae, “La'en la'iesa kana Ama Mesen! Memak hata fo Ama nafa'dan ndia, la'en: Lamatua ka nde Manetualain fo kisak, de ta hapu seluk Manetualain fe'ek so'on.

MARKUS 12:34

Yesus nita mese agama ndia nataa no malole nanseli. Boema nafa'dan nae, “O mahehele aom basa da'di lima eik neme Manetualain hataholi kamahehele nala mai so.” Basa ndia boema, ta hapu hataholi esa boen napalani natane Yesus so'on.

LUKAS 13:17

Yesus hala-kokolan ndia tao na Yesus musu noo nala mae lanseli; tehu basa hataholi fe'e kala lamahoko lita basa mata beuk fo Yesus tao ka.

2 TESALONIKA 3:14

Fafakama neukose hapu hataholi ta nau tunga hata fo ami mafa'dan nai susulak ia dalek fa. Soona, ia'akouk hataholi matak leondia ka, ma boso leo-mapalasa moon, fo daenga ana mae.

1 TIMOTIUS 5:14

Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.

1 TIMOTIUS 6:3

See nanoli fe'ek neme nanolik ia la ma sila nanolin ndia, ta nandaa no ita Lamatuan Yesus Kristus nanoli ndo na ma ita agama na nanoli na fa soona,

TITUS 3:14

Ita hataholi nala muse lanoli fo, ala tao-no'i tatao-nono'i malole, fo daenga ala tao latetu sila paluu nala; fo boso nalosak sila laso'da no sosoa-ndandaa tak.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 2:15

Nanahu Manetualain nau, fo ela no emi tatao-nono'i malolem ndia, de emi ko'o ketu hataholi mana kokolak dede'a nggoa kala, bafa na.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.