TITUS 2:5 - Susula Malalaok Hehelu Palak Ma Hehelu Beuk

⁵ ma ala da'di hataholi manatee tenok, so'da nala malalao-malalafuk, ma ala da'di ina mana ito-ato uma lo malole, ala tunga saotou nala paleta na. No enok ndia, ta hapu hataholi nakadadaek halak fo maneme Manetualai na mai.

TITUS 2:5 ပူးပေါင်းရင်းမြစ်များ

KEJADIAN 18:9

Basa boema, latane lae, “O saom Sara, nai bee?” Abraham nataa nae, “Nai uma ofu dale.”

KEJADIAN 3:16

Boema, Manetualain nafa'da inak ndia nae, “Neukose, Au popo-tama seluk o he'dim-ma, nai lelek o bei mailu, ma nai lelek o bongi. Tehu leomae leondiak boe, o nasa sasaom soaneu o saotoum-ma, bei nahele, tehu, neukose o makatele neun.”

2 SEMUEL 12:14

Tehu, hu kande Ama Manek nakamumulu-nakamamaek basa Manetualain nenik tatao-nono'ik ndia, de neukose mate Ama Manek anatouanan fo besak-ka bongin ndia.”

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

HATAHOLI 9:36

Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.

HATAHOLI 9:39

Tutika Petrus fo'a de ana tungas leona. Ala losa boema lo Petrus leo kama manai lai na neu. Basa inafalu manai sila la lakamomotu la Petrus boema ala kii-makaleleu, ma latu'du Petrus, ba'du ma ba'du manalu fo Dorkas seu fe sila, ndek lelek fo Dorkas bei naso'da.

ROMA 14:16

Hu ndia de, hata fo malole ba'eneu emi ndia, boso po'ilotak hataholi fe'ek nafa'da nae, ta malole fa.

ROMA 2:24

Nai Susula Malalaok dale nanasulak nae leo ia, “Hu ka nde emi hataholi Yahudi, de Manetualain na'de na nanatao nanggenggeok nai leoina fe'e kala dalek.”

1 KORINTUS 11:3

Tehu au hii emi bubuluk dede'ak esa seluk fo nde, nae fo manda'di malangan neu tou kala esa-esak nde bee na Kristus; fo manda'di malangan neu saoina ka nde bee na saotou ka, ma fo manda'di malangan neu Kristu sa nde bee na Manetualain.

1 KORINTUS 14:34

ina kala muse bedenge nai nakabubua kala dalek. Ta bole fes loak soaneu ala kokolak fa. Ala ta bole da'di mauli-malangan fa; basa sila la nandaa no agama hoholo-lalanen.

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

KOLOSE 3:18

Tolano-tolanoo saoina kala lemin! Makatele neu emi saotou ma, nana hataholi kamahehele kala ha'da tataon muse leondiak.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

1 TIMOTIUS 6:1

Hataholi Salanik mana da'di ata, muse ana fe ha'da-holomata neu tua na, fo daenga hataholi a boso tao nanggenggeo Manetualain na'de na, ma ita nanoli nala.

TITUS 2:4

fo daenga no enok ndia, sila hapu lanoli-lafa'da ana fe'oana kala, fo ala sue-lai saotou na ma ana nala,