TITUS 2:3 - Susula Malalaok Hehelu Palak Ma Hehelu Beuk

³ Leondiak boe, ela leo bee na o manoli-mafa'da ina lasi kala, fo ela ha'da-tatao nala nandaa no Manetualain hataholi nala, so'da na. Sila ta bole kokolak langgenggeo hataholi fe'ek na'den, ma ta bole da'di mana mafuk te sila muse lanoli tao-no'i dede'a malole,

TITUS 2:3 ပူးပေါင်းရင်းမြစ်များ

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

ROMA 16:2

Sipokana sama leo Lamatua ka hataholi kamahehelen. Memak hataholi fo namahele neu Manetualai na, esa muse sipok esa leondiak. Tulu-falin, metema ana paluu tutulu-fafalik neme emi mai, nanahu ana tulu-fali hataholi ba'u so, ana tulu-fali au so boe.

EFESUS 5:3

Emi nde bee na, Manetualain hataholi kamahehelen. Hu ndia de, tatao-nono'i sosoa-piao ka, ma matetu-mandaa ta ka, do tene peta ka, ta nandaa emi tao-no'i fas. Boso nalosak hataholi fe'e kala hapu ne'ek soaneu lafa'da lae, emi tao-no'i tatao-nono'ik leo sila kala.

1 TIMOTIUS 3:11

Hataholi sila, saoina nala boeo, muse hataholi malole, boso hataholi mana tui dede'a pe'dak. Muse lakatatakak lalelak ao ina nala, ma ala tao tunga ka'da ndo na, nai basa dede'ak lala'ena dalek.

1 TIMOTIUS 3:8

Mana tulu-fali salani ka boeo, muse hataholi malole, ma ana tao tunga ka'da ndo na; ana ta tene peta doik, ta maninu ala lalu fa.

1 TIMOTIUS 5:23

Boso minu ka'da oe mesa kana; minu angol faa fo matoto'bi o tei dalem, nana nasi'a o mamahe'di.

TITUS 1:7

Mauli-malanga salani ka nde bee na hataholi mana ito-ato Manetualain tatao-nono'i nala. Hataholi ndia, ta bole masala-masingok fa, ta bole mana koaok, ma ba'unasa, do mana mafuk, do ana hii sanga ka'da natutu-nafepak, do ana tao dale na nai ka'da doi ka.

TITUS 2:4

fo daenga no enok ndia, sila hapu lanoli-lafa'da ana fe'oana kala, fo ala sue-lai saotou na ma ana nala,

IBRANI 5:12

Tunga ndo na fai na losa ba'eneu emi soaneu da'di mesen, tehu bei paluu emi manoli neme hataholi fe'ek la'eneu Manetualain nanoli makasososa na eno ma'an. Emi beita hapu sipo nana'a-nininu matea fa; emi bei muse minu ka'da su'u oe mesa kana.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.