TITUS 1:7 - Susula Malalaok Hehelu Palak Ma Hehelu Beuk

⁷ Mauli-malanga salani ka nde bee na hataholi mana ito-ato Manetualain tatao-nono'i nala. Hataholi ndia, ta bole masala-masingok fa, ta bole mana koaok, ma ba'unasa, do mana mafuk, do ana hii sanga ka'da natutu-nafepak, do ana tao dale na nai ka'da doi ka.

TITUS 1:7 ပူးပေါင်းရင်းမြစ်များ

KEJADIAN 49:6

Au ta tunga nai sila lalahalan-na dalek fa, ma boeo, ta nai sila nakabubuan-na dalek fa. Nana sila lanisa nai nasa-meluk-ka dalek, ala ke'di ketu meoasu ei uan-na hu kande namahoko-setelek-ka.

AMSAL 14:17

Hataholi fo ana hii namanasa, ana ho'i nakeketu nggoak; tehu hataholi manatee-tenok-ka, ana ta haelai namanasa fa.

AMSAL 15:18

Hataholi fo namanasa lai-lai-a, nakadada'dik nale'a-napilik, tehu hataholi fo, ta haelai namanasa fa, neni mole-dame.

AMSAL 16:32

Hataholi fo, ana ta haelai namanasa fa, malole lena heni palani tatibatu esa; hataholi fo, ana paletan-na aoinan-na, malole lena heni hataholi manaloso-na kota.

PENGKHOTBAH 7:9

Boso haelai mamanasa; ka'da hataholi nggoak kande nape'da dalek.

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESKIAL 44:21

Metema, ala sanga masok leo, uma so'dan manai dalek-ka leu soona, ta bole linu angol fa.

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

MATEOS 24:45

Boema Yesus kokolak seluk nae, “Metema leondiak soona, malalau-maoono bee ka nde mana lilinekak ma manatee teno ka? Ndia nde tua na so'un da'di malangan neu malalau-maoono fe'e kala, fo ela ana fes la'a-linu la'e fai na.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

FILIPI 1:1

Tolano-tolanook fo Manetualain hataholi kamahehelen fo lamahele neu Yesus Kristu sa, mauli-malangan, ma manatuli-fali hataholi kamahehelek manai Filipi la lemin! Au fo Paulus ma Timotius fo Kristus Yesus ata nala,

TITUS 1:5

Au la'oela o meme Kreta, fo ela hata bee ka paluu nanaito-atok soona, o ito-atos. Boema fo ela o so'u penatua nai kota esa-esak. Mafandendelek basa natutu'duk fo au anoli o kala:

TITUS 2:3

Leondiak boe, ela leo bee na o manoli-mafa'da ina lasi kala, fo ela ha'da-tatao nala nandaa no Manetualain hataholi nala, so'da na. Sila ta bole kokolak langgenggeo hataholi fe'ek na'den, ma ta bole da'di mana mafuk te sila muse lanoli tao-no'i dede'a malole,

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!