TITUS 1:6 - Susula Malalaok Hehelu Palak Ma Hehelu Beuk

⁶ Penatua fo o sanga so'uk ndia, muse hataholi esa, sala-singon ta; saoinan ka'da esa; ana nala muse lamahele Kristus so, fo ela ala boso da'di ni'iana mangalau kala, do ni'iana langa batu kala.

TITUS 1:6 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

AMSAL 28:7

Ta'eanak fo, manatunga hoholo-lalanek-ka nde been-na, hataholi manatee-tenok. Tehu, hataholi fo, ana leo-napalasa no hataholi manadodolo-didilok-ka, nakamamaek aman.

YESKIAL 44:22

Basa imam-mala, ala bole sao ka'da anafe'oana Israel fo, bei matatema, do inafalu fo, imam-ma mate la'oelan. Sila ta bole sao, ina maela saok fa.

IMAMAT 21:7

Imam esa, ta bole sao inak esa, ana da'di hai inak manasosoa-piaok so, do inak esa, ta matatema so'on, do ina maela saok esa, nanahu imam-ma nde been-na, Au nuung ndia.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

LUKAS 1:5

Lelek fo Herodes da'di manek nai nusa Yudea, hapu imam esa na'de Zakharia. Ana masok nai imam-imam Abia nakabua na. Saoina na na'de Elisabet, fo tititi-nonosin imam boe.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

1 TIMOTIUS 1:9

Ita muse tafandendelek te, ala ta tao hoholo-lalanek sila la, soaneu hataholi mana tunga hoholo-lalane kala fa, tehu soaneu hataholi mana la'olena hoholo-lalane kala, basa hataholi mana tao tatao-nono'i mangalau kala, hataholi fo ana ta lili neka neu Lamatua ka fa, hataholi masala-masingo kala, hataholi agama ta kala, hataholi mana tunga daebafa ka hihii-nanaun, hataholi mana taonisa inan do aman, ma basa hataholi kanisak lala'ena,

1 TIMOTIUS 3:12

Hataholi mana tulu-fali salani ka, muse saon ka'da esa. Muse ana ito-ato nalelak ana nala ma uma loon no malole.

TITUS 1:10

Nana hapu hataholi ba'u ka, ala nau ka'da lena-la'ban nanoli ndo sa, lena-lenak hataholi Yahudi mana masok beu kala; ala ke'dindiu hataholi fe'ek, ninik sila kokola bafa lou nala.

SEMUEL SUSULAK-KA ESAN-NA 2:11

Boema Elkana no uma isin-nala fali leo Rama leu, tehu Semuel, fo ni'iana ndia, nahele neme Silo, de nalalau-naoono Manetualain nai Imam Eli paletan-na dae.

SEMUEL SUSULAK-KA ESAN-NA 2:22

Eli namalasi nanseli so. Namanene hataholi-la kalaak do'e-do'e, la'eneu anan-nala ha'da-paliin neu hataholi Israel-la. Eli boeo bubuluk, anan sila-la sungu loo inak malalau-maoono nai Manetualain Lalaa Teman-na lelesu bafan-na.