TITUS 1:16 - Susula Malalaok Hehelu Palak Ma Hehelu Beuk

¹⁶ Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

TITUS 1:16 ပူးပေါင်းရင်းမြစ်များ

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 48:1

Mamanene leon, hai Yakob tititi-nonosin, Yehuda tititi-nonosin fo, manapake Israel na'den-na, o mafa'da mae, o manaku Israel Manetualain-na, ma o soo menik Manetualain na'den-na. Tehu, o hala-kokolam sila-la, ta neme o dale ndoom-ma mai fa.

YESAYA 58:2

Tunga faik, sila sene-do'ok neu Au, ma sila hii bubuluk Au hihii-nanaung, nono'kabai, sila tao hata fo malole, ma sila lilineka neu Au hoholo-lalaneng. Sila lafa'da, lae sila lamahoko sene-do'ok neu Au, ma lahiik Au hoholo-lalaneng, fo ndoos ma matetuk-ka.”

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.

YEREMIA 6:30

Neukose sila na'den-na, nanafoik na'de, lilofulak nanatu'u-tapa henik, nana Au, fo Manetualain, tu'u-tapa henis so.”

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

BILANGAN 24:16

fo namanene basa Manetualain dede'a-kokolan so, ma bole nalelak Manetualain Fo Mademaina; ma nita Manetualain Fo Manakoasa, natu'du aoinan-na boema ana bala neu, tehu no mata malaak

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

1 TIMOTIUS 1:9

Ita muse tafandendelek te, ala ta tao hoholo-lalanek sila la, soaneu hataholi mana tunga hoholo-lalane kala fa, tehu soaneu hataholi mana la'olena hoholo-lalane kala, basa hataholi mana tao tatao-nono'i mangalau kala, hataholi fo ana ta lili neka neu Lamatua ka fa, hataholi masala-masingo kala, hataholi agama ta kala, hataholi mana tunga daebafa ka hihii-nanaun, hataholi mana taonisa inan do aman, ma basa hataholi kanisak lala'ena,

1 TIMOTIUS 5:8

Tehu metema hapu hataholi ta nau mete-nakanae tolano ka'a fa'di nala, lena-lenak ana ta nau mete-nakanae uma isi nala fa soona, hataholi ndia nalelesi seluk namahehele na; de mangalau na lenaheni hataholi kamahehele ta kala.

2 TIMOTIUS 3:17

Hu ndia de, basa hata fo nanasulak nai Susula Malalao ka dalek ndia, masosoa-ndandaak ba'eneu hataholi mana malalau-maoono Manetualai na, ala hapu tao-no'i tatao-nono'i malole mata-mata kala.

TITUS 3:1

Mafa'da o salani mala, fo ala boso laban mauli-malangan ma mana koasa nai nusak dale a, boema ala tao-noi tatao-nono'i malole tataas esa.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

1 YOHANIS 2:4

Hataholi fo nafa'da nae, “Au alelak Manetualain,” tehu ana ta tunga paleta na fa soona, hataholi ndia masapepeko-masandandalik, nana Manetualain ta nai dalen dale fa.

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

SEMUEL SUSULAK-KA ESAN-NA 15:24

Saul namanene dede'ak ndia boema, ana manaku neu Semuel nae, “Memak au asala-asingo so. Au la'olena Manetualain paletan-na, ma au ta taoafik neu Ama natutu'dun-na fa. Au bii au solda'dung-ngala, boema au tao atetu nonoken-nala.