TITUS 1:11 - Susula Malalaok Hehelu Palak Ma Hehelu Beuk

¹¹ Hataholi matak leo sila kala, muse ko'o ketu bafa nala, nana ala tao lalutu uma lo ba'u ka, ninik sila nanoli manda'di taan sila la. Ala tao enok ndia nana, ala sanga nanalak leomae enok ndia nini mamaek!

TITUS 1:11 ပူးပေါင်းရင်းမြစ်များ

MAZMUR 107:42

Hataholi manatao tunga ndoo-na, nita boema, namahoko-setelee, tehu, hataholi manatao tatao-nono'i mangalauk-ka, ko'o bafan-na.

MAZMUR 63:11

Neukose mates lai natee-natatik dale, fo ala da'di bana makaa-makisuk-kala nana'an.

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YESKIAL 13:19

Emi makamumulu-makamamaek basa Au, nai Au anang-ngala matan so, ka'da soaneu emi hapu jelei nafanggetek de'ubee, ma loti biak de'ubee. Emi taomisa hataholi sala tak-kala, tehu hataholi fo nandaa hukunisan, emi po'ilotak-kana naso'da. Boema, emi masapepeko-masandandali Au anang-ngala, de lamahele emi.’ ”

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

LUKAS 20:40

Hu ndia de, ala ta lapalani latane seluk Yesus hata-hata so'on.

YOHANIS 10:12

Tehu hataholi mana'a ngga'di a, manafoo ta ndia fa. Boema bi'i la lamatua na ta nde ndia boen. Hu ndia de, metema nita busa fui ka mai soona, neukose nalai la'oela bi'i la. Soona busa fui ndia, ana kaa nala bi'i la, ma ana tao na bi'i la tapasasala.

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

2 KORINTUS 11:10

Au namatutua-namadedemang ia, ta hapu losehenin nai bee boen, nai basa nusa Akhaya lala'ena, nanahu Kristus nanolin fo ndo sa ndia, hapun nai au dalek.

1 TIMOTIUS 5:13

Nakalenak seluk bai, ala tu'u-tapa heni le'do fain fo leu dakak hinga uma tai kala. Boema mangalau ina na nde, ala kokolak langgenggeo hataholi na'den, ma hataholi dede'an o, leu sese'dok leo dalek leu, boema ala kokolak dede'ak fo tunga ndo na, ta nandaa ala kokola kana fa.

1 TIMOTIUS 5:4

Tehu metema inafalu bee maupu-anak soona, manoli-mafa'da upu-anan sila fo ala taoafik matalolole ina-ama bei ba'in sila la so'da na, nana sila muse balas sila ina ama bei ba'in, dale malole na. Tatao-nono'i leondia ka nde nandaa no Manetualain dale na.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 2:18

Lafa'da lae, fofo'a falik neme mamate sa mai a, ana da'di so. Tehu nanolik ia la, sala no nanoli ndo sa, de ana tao nalutu hataholi nggelok namahehele na so.

2 TIMOTIUS 3:6

Hapu sila nggelok, ala masok lafufunik leo uma-uma la leu fo, ala fufu'di-oodok ina mana malek fo, sala-singo ba'u kala, ma hihii-nanau mata-mata kala, koasa lalas.

TITUS 1:7

Mauli-malanga salani ka nde bee na hataholi mana ito-ato Manetualain tatao-nono'i nala. Hataholi ndia, ta bole masala-masingok fa, ta bole mana koaok, ma ba'unasa, do mana mafuk, do ana hii sanga ka'da natutu-nafepak, do ana tao dale na nai ka'da doi ka.

TITUS 1:9

Hataholi ndia, muse ana ho'u nahele nanoli ndoos fo nanoli basa kala so. Nana no enok ndia, fo besa ka ana hapu nanoli hataholi tunga nanoli ndo sa, ma natu'du hataholi mana laba nana, sala na.

TITUS 3:10

Hataholi fo nakadada'dik nasi'da-naba'ek nai salani ka dalek soona, ela leo bee na, o mabenga hataholi ndia, la'i esa do la'i dua; basa ndia soona, boso boe leo mapalasa moos bai.