ROMA 9:32 - Susula Malalaok Hehelu Palak Ma Hehelu Beuk

³² Te tao le'e de, ala ta hapu buna-boan fa? Nana ala tao dede'ak ndia ta tunga namahehelek neu Manetualai na fa te, tunga ka'da sila hihii-nanau mesa nala. Boema ala tu'da de lakatunu neu “Batu Nakatutunu ka.”

ROMA 9:32 ပူးပေါင်းရင်းမြစ်များ

YESAYA 8:14

Hu kande, Au malalao-malalafuk nanseli, Au da'di batu nakatunuk ba'eneu laun Yehuda ma Israel, ma hihi'ik fo nala laun Yerusalem-mala.

YESAYA 8:15

Neukose hataholi makadotok lakatunu, de ala tu'u leu, fo lakahina. Neukose ala kosik leo hihi'ik dale leu.”

MATEOS 13:57

Hu ndia de, ala ta nau sipok Yesus fa. Boema Yesus nafa'das nae, “Ala fe ha'da holomata neu nabi esa, nai basa mamanak lala'ena, ta'da fe'e nggolo isi nala, ma uma isi nala.”

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

LUKAS 7:23

Maua-manalek neu hataholi fo ta hapu ne'ek soaneu tipa Au fa.”

ROMA 10:3

Ala ta bubuluk eno na tao leo beek fo, Manetualain tao na hataholi daebafa ka tututi-nanaton lo nana, malole falik. Nanahu ala nau tunga sila hihii-nanau mesa nala, te ala ta nau tunga Manetualain natu'du fes eno ka fa.

ROMA 11:11

Au atane seluk bai: Lelek fo hataholi Yahudi la ala tu'da, ade dede'ak ndia da'di fo ela lakalulutuk do? Ta leondiak fa! Te hu ka nde sala-singo nala, de leoina fe'e kala nde hapu maso'da ka, nalosa hataholi Yahudi la, lape'da dalek neu leoina fe'ek sila la.

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

1 PETRUS 2:6

Nanahu nai Susula Malalaok dale nanasulak nae leo ia, “Au hele basa batu kabelik esa so, de Au pe'dan nai Sion, da'dileo batu makasososak; fo see namahelen soona, dale na ta ba'ihana fa.”

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.