ROMA 9:3 - Susula Malalaok Hehelu Palak Ma Hehelu Beuk

³ nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

ROMA 9:3 ပူးပေါင်းရင်းမြစ်များ

KEJADIAN 29:14

Laban nae, “Memak tete'ek-ka, o ia teidalek fo, ana deka no au.” Yakob leo neme ndia, bulak esa dalen-na.

2 SEMUEL 18:33

Manek-ka namanene dede'ak ndia boema, dalen-na he'dis-sa nanseli, de ana kae leo kama manai lelesuina lain neu, de ana kii-makaleleu ma nae, “Oh, au anang-ngonei! Au anang Absalom! Absalom, fo au anang-ngonei! Malole lenak, au nde mate nggati o, anang-ngo! Absalom, anang-ngonei!”

ESTER 8:6

Da'di, tao leo bee fo, atam-ma bole mete, ala do'do lisa la'iesak atam-ma leoinan-na, ma tolanoo ka'a-fa'ding-ngala?”

KELUARAN 32:32

Sa'di leo been-na, O fe do'o do ampon neu sala-singon-nala; metema ta soona, loseheni au na'deng fo O sulak basan nai O Susalam dale.”

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

HATAHOLI 22:5

Imam matuaina ma Mana Maketu-Mala'di agama matuaina basa-basas sakasii, au ta pepeko fa. Nana sila nde fe au susula koasa fo au u leo hataholi Yahudi manai Damsyik-kala u. No susula koasa ndia de au bole ho'u hataholi kamahehelek manai naa la, fo daenga au os leo Yerusalem mai fo hukus.”

HATAHOLI 28:21

Boema lafa'da Paulus lae, “Ami beita sipo susulak esa boen neme Yudea mai, la'eneu tolanoo ka fa. Ma beita hapu tolanook esa boen neme naa mai fo nini halak la'eneu tolanoo ka, do kokolak mangalauk la'eneu tolanoo ka fa.

ROMA 1:3

Hala Malole ndia, ana tui la'eneu Manetualain Anan, fo ita Lamatuan Yesus Kristus. Fo tunga hataholi daebafa ka hahapu na soona, Yesus Kristus ndia nde bee na Dauk tititi-nonosin,

ROMA 11:1

Au atane bai: Ade Manetualain tu'u-tapaheni hataholi kamahehele nala so do? Tao leo bee o ta! Au boeo hataholi Israel fo Abraham tititi-nonosin, ma au da'di eme leo Benyamin-na mai.

ROMA 11:14

Au amahena, au uni nape'da dalek fe au leoina ngala, fo no enok ndia, au hapu soi tefa ala sila nggelok.

ROMA 16:11

ma neu Herodion boe. Ndia bei leo esa no au. Manduku-malosak au nate'a nga neu tolano-tolanook fo namahehelek esa nai Narkisus tolano ka'a fa'di nala dalek.

ROMA 16:21

Au nonoong Timotius, ana haitua fe emi nate'ak boe. Leondiak boe, Lukius, Yason, ma Sosipater, fo sila bei leoina esa lo au.

ROMA 16:7

Manduku-malosak au nate'a nga neu Andronikus no Yunias boe. Sila dua bei leo esa lo au, ma duas masok hai bui sama-sama lo au. Au beita amahele Kristus fa te, duas lamahele lakahuluk so. Sila nde nananita-nalelak nai basa hataholi nadedenu kala dalek.

ROMA 9:2

Au doidoso ma au dale nga he'di nanseli,

1 KORINTUS 12:3

Emi muse bubuluk te, hataholi fo Manetualain Dula Dale na hela-nolen soona, ta bole kokolak nae, “Yesus nanasoo-supak!” Leondiak boe, ta hapu hataholi esa boen nafa'da nae, “Yesus nde Lamatua ka,” metema Manetualain Dula Dale na ta hela-nole hataholi ndia fa.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

GALATIA 1:8

Hataholi fo mana tui-benga “hala malole” fe'ek neme Hala Malole fo ami tui-benga ka, neme na fo Manetualain huku – hataholi ndia leomae ami nde ndia, do ata nusa so'dak ndia boe!

GALATIA 1:9

Ami mafa'da basa nai makahulun so, tehu besak ia, au afa'da la'i esa selu kana: Hataholi mana tui-benga fe emi “hala malole” fe'ek neme Hala Malole fo emi sipon neme ami mai ndia soona, ela leo bee na, Manetualain huku hataholi ndia!

GALATIA 3:10

Hataholi fo lamahena neu ka'da agama hoholo-lalane na, basa-basas laso'da nai soo-supa ka dalek. Nanahu nai Susula Malalaok dale, nanasulak nae, “Hataholi fo ana ta lilineka nahele nai nakalala'ok basa hata fo nanasulak nai Agama Susula Hololo-lalanen dale fa soona, Manetualain soo-supan!”

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

EFESUS 6:5

Tolano-tolanook fo manda'di ata la lemin! Tunga emi malangam fo manai daebafak ia, paleta na. Tao-no'i no ha'da-holomata, ma tunga no te'e-te'ek, nono'ka bai de, emi tao-no'i neu Kristus nde ndia.

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.

SEMUEL SUSULAK-KA ESAN-NA 14:44

Saul nafa'dan nae, “Sa'di leo been-na, Manetualain huku au, metema o ta hukunisa o fa, Yonatan!”