ROMA 9:20 - Susula Malalaok Hehelu Palak Ma Hehelu Beuk

²⁰ Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

ROMA 9:20 ပူးပေါင်းရင်းမြစ်များ

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

AYUB 16:3

Faihi'da, fo besak-ka, o hahae kokola bafa louk-ka? Beek kande fufu'di-oo'dok emi, fo fe natataak?

AYUB 33:13

Tao le'e de, o makasasa'ek dede'ak neu Manetualain, mae Ana ta taoafik neu hataholi daebafak-ka, haladoin-na fa?

AYUB 36:23

See kande, bisa natu'du fen enok, do napalani kalaak-kana nae, Ana tao salak?

AYUB 40:5

Au kokolak dede'ak makadotok nanseli so.”

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

AYUB 9:32

Leouni'ka Manetualain ndia, hataholi daebafak soona, neukose au bisa ataan; boema, neukose ami meu leo manake-manafula meu, fo naketu nale'a-napilik lala'en-na.

YESAYA 10:15

Tehu Manetualain nafa'da nae, “Ade hapu taka namatutua-namadedema aon-na, soaneu hataholi manapaken-nana do? Ade hoholok-ka nanapaluuk lena neme hataholi manapaken-nana mai do? Ai kalapu'ak-ka ta nde so'uk hataholi-a fa, tehu hataholi-a nde so'uk ai kalapu'ak-ka.”

YESAYA 29:16

Ala puta-balek basa hata lala'en-na. Beek kande paluu nanseli, manatao ulek-ka, do dae ulek-ka? Bole da'di, nanataok-ka nafa'da neu manataon-nana nae, “Ade, o ta nde tao au fa hetu”? Do, buas ndia, hapu nafa'da neun nae, “O ta bisa hata esa boen do”?

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YEREMIA 18:6

“Hai Au anang-gala lemin, masa bole au ta hapu taon neu emi sama leo fo tuka ndia tao-no'i nenik ndia dae ulen-na fa do? Leondiak boe emi nai Au limang dale, sama leo dae ulek-ka nai manatao ulek-ka liman dale.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

LUKAS 12:14

Yesus nataa nae, “Tolanoo ei, see ka nde so'u Au da'di manamaketu-mala'di, do manaba'e hata pusaka neu emi dua?”

ROMA 14:4

See emi ia, de nalosa emi muse maketu-mala'di hataholi fe'ek ata na? Fafa'kama ata ndia tu'u do fo'a boeo, ata ndia tua na ito-aton ndia. Ma memak ata ndia neukose napadeik natetu, nanahu Lamatua ka nabe'i fen napadeik natetu.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

ROMA 2:3

Tehu tolanoo ngala lemin! Emi boeo tao tatao-nono'ik fo emi makasasa'e kana neu hataholi fe'ek sila la boe! De emi maedaenga Manetualain ta huku emi fa do?

ROMA 9:21

Ade hataholi manatao pot bunga ndia ta nauu hak soaneu ana tao dae ndia tunga dale hihii na fa do? Hataholi ndia nanuu hak tao dae bubuak ndia da'di pot bunga matak dua: fo esa mana'ahiik ma esa ka mana'a na ta dai fa.

ROMA 9:22

Leondiak boe no hata fo Manetualain tao ka. Ana dodoo nae sanga namanasa do natu'du koasa na. Tehu Ana ta haelai namanasa sila fo muse nanahukuk nanahu ala tao lakananasa kana.

1 KORINTUS 1:20

Naa, sosoak hata hataholi malelak manatee tenok sila la? Sosoak hata hataholi malelaina la? Sosoak hata, hataholi dodole maneu manai daebafak ia la? Manetualain natu'du basa nae, manatee teno daebafak ia, nde bee na manakokola bafa lou kala!

1 KORINTUS 7:16

Nana da'dileo saoinak – fo namahele Lamatua ka so – na tao leo bee fo o bisa bubuluk te'e-te'e mae, o ta hapu soi-tefa ma saotou ma fa? Leondiak boe, da'dileo saotouk fo namahele Lamatua ka so, tao leo bee fo o bisa bubuluk te'e-te'e mae, o ta hapu soi-tefa ma saoina ma fa?

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 2:20

Nai uma matu ina esa dalek, hapu bua lo'a uma lo mata-mata kala. Ala tao buas sila la nggelok leme lilo fulak do lilo pilas a mai, tehu nggelok soona, ala taos leme ai, do dae a mai. Buas sila la nggelok soona, fai malole de'i fo ala pakes, boema nggelok soona, ala pakes mandoo fai a.

TITUS 2:9

Mafa'da basa ata-ata la, fo sila muse tunga sila malanga na paleta na, ma ala tao lamahoko dale nala, nai basa dede'ak lala'ena dalek. Sila ta bole laban sila malanga na,

YAKOBIS 2:20

Emi nggoa ma seli! Ade paluu natu'du fe emi buti, la'eneu namahehele ka ta no tatao-nono'i ka fa soona, sosoa-ndandaan ta do?