ROMA 9:17 - Susula Malalaok Hehelu Palak Ma Hehelu Beuk

¹⁷ Nana nai Susula Malalaok dale nanasulak nae, “Manetualain nafa'da mane Masi ra nae, ‘Au so'u o da'di manek soaneu ka'da dudu'ak esa nde ia, fo ela tunga o fo Au atu'du Au koasa nga ma Au na'de nga nananita-nalelak nai basa daebafa ka lala'ena.’ ”

ROMA 9:17 ပူးပေါင်းရင်းမြစ်များ

ESTER 4:14

Tao leo bee-o, neukose hataholi Yahudi-la tulu-falis nenik enok matak leo beek-ka boe, fo nalosa laso'da. Tehu metema, o ka'da denge-denge mahele nai manada'dik leo ia-ka dalek soona, neukose mate o boe, fo neukose, mopo o amam teidalen-na tutuin-na. See bubuluk, fafa'kama hu kande no enok ia, de o nanahele basak da'di ina manek so!”

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

AMSAL 16:4

Manetualain tao basa hata lala'en-na, nanuu tetee-tutu'dan; fo tetee-tutu'dan ba'eneu hataholi mangalauk-ka nde been-na, momopo-mamatek-ka.

YESAYA 19:12

Wahai, mane Masir-ra nei, ama manek manamanolin-mafa'dan fo, malelak sila-la lai bee? Fafa'kama ala bubuluk hata fo Manetualain Fo Manakoasa, dale tutu'un soaneu Masir.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

ROMA 11:4

Boema Manetualain nafa'da Elia nae le'e? Manetualain nae, “Au hele basa Au hataholing lifun hitu so. Hataholi sila beita songo-tango lita Nitu Baal la fa.”

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

GALATIA 3:8

Susula Malalao ka nafa'da basa nakahuluk dede'ak ndia nae, metema Manetualain nau hataholi ta Yahudi la nau malole falik loon soona, sila muse lamahelen dei. Hala Malole ndia, nananafa'da nakahuluk neu Abraham, nai hala hehelun ia dalek nae, “Neukose Manetualain fe baba'e-papalan neu basa hataholi daebafa ka lala'e na, tunga o.”

GALATIA 4:30

Tehu ala sulak beek nai Susula Malalaok dale? Nanasulak nai ndia nae leo ia: “Usiheni ata inak ndia no anan, nana neukose inak fo manda'di ata ndia ana na, ana ta hapu hak pusaka sama-sama no inak fo ta manda'di ata, ana na fa.”

YOSUA 9:9

Boema lataa lae, “Ami meme nusak-ka, doon-na seli. Tuan, hu kande ami mamanene la'eneu Manetualain Manetualain fo Tuan-tuan-nala sene-do'ok-ka. Ami mamanene la'eneu basa hata fo Ana taon neme Masir,

SEMUEL SUSULAK-KA ESAN-NA 4:8

Soe tete'ek-ka! See kande, bisa soi-tefa-na ita teme lamatua daebafak fo mabe'i-balakaik ndia mai? Ade, lamatua daebafak sila-la ta nde makahulun-na, taolisa hataholi Masir-ra neme moo solokaek-ka hetu?