ROMA 8:38 - Susula Malalaok Hehelu Palak Ma Hehelu Beuk

³⁸ Nana au amahele te'e-te'e ae, nai basa daebafak-ka ia lala'ena, nau mamate sa do maso'da ka, nau ata nusa so'dak do manakoasa, nau fefepa-lili'u besak ia do fefepa-lili'uk nai fai manamai ka do be'i-balakai fe'e-fe'e kala;

ROMA 8:38 ပူးပေါင်းရင်းမြစ်များ

YOHANIS 10:28

Au fes maso'da matetu ka, ma manaketu basa ta ka, fo ala ta mopo-mate losa dodoo na. Ta hapu hataholi esa boen, hapu loso ninis leme Au limang dale mai fa.

ROMA 14:7

Ta hapu hataholi esa boen neme ita mai, naso'da soaneu ka'da aoina na mesa kana fa; ma ta hapu hataholi esa boen neme ita mai, ana mate soaneu aoina na mesa kana fa.

ROMA 14:8

Metema ita taso'da soona, taso'da soaneu Lamatua ka. Boema metema ita mate soona, mate soaneu Lamatua ka boe. Da'di, leomae ita taso'da do ita mate boeo, Lamatua ka nuun ita.

ROMA 4:21

Abraham namahele nanseli nae, Manetualain hapu tao natetu hata fo Ana helu basa ka.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

1 KORINTUS 15:24

Basa ndia soona, fai mate'e ka losa. Neu faik ndia te, neukose Kristus sengi basa manapaleta lala'ena, basa manakoasa lala'ena, ma basa mabe'i-balakai kala lala'ena; soona Ana fe Ndia koasa paletan leo ita Aman Manetualain neu.

2 KORINTUS 11:14

Ta dodoo doak sila tataon leondia ka fa, nana nitu boeo ana tao aoina na nalupa leo ata nusa so'da mangale'do ka boe!

2 KORINTUS 4:13

Nai Susula Malalaok dale hapu dede'a ka nae, “Au amahele, hu ndia de au kokolak.” Naa, no namahehelek manapila lo'a-lo'a leondia ka boe, ami kokolak nana ami mamahele.

EFESUS 1:21

Kristus nangatutuun ndia, dema lenaheni basa mana paleta lala'e na, basa mana koasa lala'ena, basa mauli-malangan lala'ena, basa malangan lala'e na, ma su'di see fo, ana hapu nangatutuu madema lala'e na; nau mana maso'dak nai le'do fai besak ia, do nai le'do fai mana mai ka boe.

KOLOSE 1:16

Manetualain nakadada'dik basa hata manai nusa so'da kala ma mania daebafa ka lala'e na, boema basa hata nananita kala ma nananita ta kala, fo nde dula dale mana koasa ma mana paleta kala lala'ena tunga Kristus. Lalai a ma daebafa ka Manetualain nakadada'di kasa tunga Kristus, ma soaneu Kristus.

KOLOSE 2:15

Nai ai nggangek lain, Kristus tao nala dula dalek fo ala paleta ma ala koasa, basa-basas male henis. Ana tao na basa daebafa ka lita, Ana hela nos, sama leo hataholi nanatahan ala, nai lelek fo Ana tao feta fai sesengi na, nono'ka bai hataholi nanahuku kala, fo Ana taos da'di natutu'duk esa nai lea matan.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.