ROMA 8:31 - Susula Malalaok Hehelu Palak Ma Hehelu Beuk

³¹ Ade besak ia ita tae le'e bai? Metema Manetualain nok ita soona, see kande napalani laban ita?

ROMA 8:31 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

1RAJA-RAJA 8:57

Sa'di leo been-na ita Manetualain no ita sama leo nok ita bei-ba'i kai nala. Sa'di leo been-na Ana ta la'oela ita fa.

2RAJA-RAJA 6:16

Boema Elisa nataa nae, “Boso bii. Te mana nok ita, de'u lena mana nok sila.”

1 TAWARIKH 19:15

Lelek hataholi Amon nala lita solda'du Siria la lalai boema, sila boeo lalai leme Abisai mai, de lakadedeak leo kota dale leu. Latee-latati basa loo hataholi Amon nala boema, Yoab fali leo Yerusalem neu.

MAZMUR 118:6

Au ta bii-amata'u fa, nana Manetualain no au, hataholi daebafak-ka, ta hapu tao hata esa boen soaneu au.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 56:11

Au koa-kio Manetualain fo Manetualain Manakoasa, nanahu hata fo, Ana helun.

MAZMUR 56:4

Lelek au bii-amata'u-a, au amahena neu O.

MAZMUR 56:9

O leke au leu-laang, fain-nala, ma O bubuluk au luu oeng-nga baba'un-na; ade, O ta hinga-leke fan do?

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YESAYA 8:10

Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

ROMA 3:5

Tehu metema Manetualain mandoon ndia boetai nananitak, hu ka nde ita tatao-nono'i masala na soona, ade ita bei sanga tae le'e bai? Metema Manetualain huku ita soona, ita tafa'da tae, Manetualain ta naketu tunga ndo na fa hetu do? Tunga hataholi daebafa ka soona, natatanek ia, memak nandaa.

ROMA 4:1

Metema leondiak soona, hata fo ita hapu tafa'dan la'eneu Abraham fo ita leoina na bei ba'ikai na? Ade so'da na tao leo beek?

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”