ROMA 8:26 - Susula Malalaok Hehelu Palak Ma Hehelu Beuk

²⁶ Leondiak boe, metema ita nai tapandoe sa dalek soona, Manetualain Dula Dale na mai tulu-fali ita. Nana ita ta bubuluk, ita hule-haladoi tao leo bee ka fa; Dula dalek ndia nde hule-haladoi nggati ita nai Manetualain matan.

ROMA 8:26 ပူးပေါင်းရင်းမြစ်များ

AYUB 37:19

Manoli ami, hata fo ami musa mafa'dan neu Manetualain; ami ta bisa mafa'da mangalele'do hata esa boen, nana ami dudu'a-aafim ta dai fa.

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

MAZMUR 102:20

Manetualain mete neme mamana mademan-na mai, Ana dongek leo daebafak-ka, neme nusa so'dak-ka mai,

MAZMUR 102:5

Au sota-mangu, sama leo na'u tuuk-ka, ma au ta hii u'a-inu fa.

MAZMUR 6:3

Sue-lai au ou Manetualain, nana basa au be'i-balakaing so, matetea-mahehele au, nana au sota-mangu.

MAZMUR 6:9

La'o leona, hai hataholi mangalauk-kala lemin, nana Manetualain namanene basa au kikii-makaleleung so.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 10:20

Hu ka nde mana kokolak nai lelek ndia, ta nde emi fa, te Amak manai nusa so'da ka Dula Dale na, nde mana kokolak tunga emi bafa ma.

MATEOS 20:22

Boema Yesus nafa'das nae, “Emi ta bubuluk hata fo emi moke ka fa. Ade emi mapalani minu nggalaa doidosok, fo Au muse inu ka do ta?” Lataa lae, “Ami mapalanin.”

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

YOHANIS 14:16

neukose Au oke Ama ka fo Ana fe emi, Mana Tulu-Fali fe'ek esa, fo ana leo nakabubua no emi losa dodoo na.

ROMA 15:1

Ita fo tamahehele te'e-te'e neu hata fo ita tamahelek ndia soona, ita boso haelai tamanasa hataholi fo namahehele na beita natea-nahele fa ndia, hahapu na. Ita boso tao tamahoko ka'da ita aoina na mesa kana.

ROMA 7:24

Naa, au so'da nga leondiak; au tunga Manetualain hoholo-lalanen ninik au dudu'a-aafing, te hu ka nde au ha'da-tatao daebafa nga de, sala-singo ka paleta au. Au susa-soeng ba'una seli! See ka nde soi-tefa na au ao paang fo manini au leo mamate sa neu ia? Au oke makasi neu Manetualain! Nana Ana soi-tefa nala au, tunga Yesus Kristus.

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

2 KORINTUS 5:2

Uma fo besak ia ita leo nai dalek ia, ita honggu'u, nana ita tahiik leo nai ita uman manai nusa so'da ka.

2 KORINTUS 5:4

Nai lelek fo ita bei leo nai uma manai daebafak ia dale ka, ita honggu'u, nana ita lelepa mabela na. Ta hu ka nde ita nau tatapo'i teme ita ao paa daebafa na mai fa, te hu ka nde ita nau pake ita ao paan maneme nusa so'da ka mai, fo ela ita ao paan fo bisa maten ia, nanatao nasafalik da'di ao paa maso'dak.

GALATIA 4:6

Hu ka nde emi ia Manetualai nana nala, de Manetualain nadenu Ana na Dula Dale na masok leo emi dalem dale ma au daleng dale, fo nde Dula Dalek fo nalo bou-bou nae, “Ama, ou au Amang.”

EFESUS 2:18

Hu ka nde Kristus da'di lelete de, ita basa-basa – tala nau hataholi Yahudi do hataholi ta Yahudi – boe hu ka nde Manetualain Dula dalen fo kisak ndia de, ita hapu deka to Ama ka.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

IBRANI 5:2

Imam matua ina ndia, tapandoes nai dede'ak ba'u ka dalek, hu ka nde ndia de, ana muse tao mangana'uk soaneu hataholi ta mana bubuluk hata-hata ma mana la'ok sala eno nala.

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.