ROMA 8:23 - Susula Malalaok Hehelu Palak Ma Hehelu Beuk

²³ Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

ROMA 8:23 ပူးပေါင်းရင်းမြစ်များ

2TAWARIKH 31:5

Paleta ndia nanapo'a-benga basak boema, hataholi Israel-la leni boa-boa leo Manetualain Uman neu. Ala ho'i boa-boa sila neme sila dae oen isi-mina makasososan-na mai, fonde ha'de sopuk, angol, mina setun, fanioe, ma buna-boak fe'ek-kala. Sila boeo leni perpuluhan neme sila hata-heton mai.

LUKAS 20:36

Heheo-hihilun sama leo ata nusa so'da ka, ma ala ta hapu mate fa. Sila nde bee na Manetualain ana nala, nana sila nanatao naso'da falik neme mamate sa mai so.

LUKAS 21:28

Metema dede'ak sila la mulai da'di soona, fo'a ma so'uk langa mala leona, nana ba'ihanak seluk faa bai te, neukose emi nanasoi-tefak.”

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

ROMA 5:3

Lenak neme ndia mai, ita boeo tamahoko nai doidoso ka dalek, nana ita bubuluk basa doidosok ndia nde tao na hataholi a da'di natea-nahele,

ROMA 5:5

Namahehenak leoia ka, neukose ana tao namatua ita dale na, hu ka nde Manetualain susue-lalain nai ita dalen dale. Dede'ak ndia ana da'di tunga Manetualain fe ita Dula Dale ka hehela-nonolen.

ROMA 7:24

Naa, au so'da nga leondiak; au tunga Manetualain hoholo-lalanen ninik au dudu'a-aafing, te hu ka nde au ha'da-tatao daebafa nga de, sala-singo ka paleta au. Au susa-soeng ba'una seli! See ka nde soi-tefa na au ao paang fo manini au leo mamate sa neu ia? Au oke makasi neu Manetualain! Nana Ana soi-tefa nala au, tunga Yesus Kristus.

ROMA 8:19

Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

1 KORINTUS 1:7

de nalosa emi ta to'a ta baba'e-papalak esa boen, nai lelek emi bei mahani ita Lamatuan Yesus Kristus mamai na, fo basa hataholi la litan.

2 KORINTUS 1:22

Soaneu ndia de, Manetualain paku basa ita da'di Ndia nuun, ma Ana fe Dula Dale na leo nai ita dalen dale, da'dileo bua pepe'dak esa nae, neukose Ana fe ita basa hata fo Ana helu ka.

2 KORINTUS 7:5

Lelek ami losa Makedonia boeo, ami ta hapu loak hahae aom makandondook fa. Neme basa boboak lala'ena, ami hapu toto'a-tataak: neme hataholi fe'ek, ami hapu nale'a-napilik, ma name ami dalem dale, ami hapu bibii-namata'uk.

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

EFESUS 1:14

Dula dalek ndia nde da'di, bua nape'dak esa nae, neukose ita sipo hata fo Manetualain helu basan neu hataholi kamahehele nala so. Dede'ak ndia nini namahehelek fe ita nae, neukose Manetualain soi-tefa na, hataholi kamahehele nala. Koa-kio Manetualain, nanahu matua-madema na!

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.