ROMA 8:22 - Susula Malalaok Hehelu Palak Ma Hehelu Beuk

²² Ita bubuluk basa, losa faik ia, daebafa ka lala'ena hoo-nggu'u ngguu, sama leo inak esa, ana hoo-nggu'u nai lelek fo ana sanga bongi a.

ROMA 8:22 ပူးပေါင်းရင်းမြစ်များ

MAZMUR 48:6

Tehu lita pupukuk ndia boema, bafan-nala be poo; lakalupu, de lalai no lapangamak.

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

YOHANIS 16:21

Metema inak esa, ana hihii nae bongi soona ana to'a-sota, hu ka nde fai toto'a-sosotan ana losa so. Tehu metema ana bongi na ana na soona, neukose inak ndia nafandeleheni toto'a-sosotan ndia, fo namahoko-setelee, nanahu ni'iana beuana esa nanabongik leo daebafa ka mai so.

ROMA 8:20

Nana basa daebafa ka nakalulutuk, ta hu ka nde daebafa ka hihii-nanaun mesa na fa, te hu ka nde Manetualain po'ilota kasa ana da'di tao leondiak. Leomae leondiak boe, tehu bei hapu namahehenak esa nde ia,

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

NINITAK 12:2

Inak ndia bei kailus, ma nanahu fai na losa soaneu ana bongi boema ana nggasi nahohe'dis.