ROMA 8:19 - Susula Malalaok Hehelu Palak Ma Hehelu Beuk

¹⁹ Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

ROMA 8:19 ပူးပေါင်းရင်းမြစ်များ

YESAYA 65:17

Manetualain nafa'da nae, “Neukose Au tao lalai beuk, ma daebafa beuk. Manada'di makahuluk-kala, neukose nananafandele henik, de ta nafandelen so'on.

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

MATEOS 5:9

Maua-manalek neu hataholi fo nini mole-dame nai hataholi daebafa ka tala'da; nanahu neukose Manetualain sipo kasa da'di Manetualain ana nala!

YOHANIS 1:12

Tehu hapu hataholi sipo kana, ma lamahelen boe; Hataholi sila, Ana fes hak fo ala da'di Manetualain anan.

HATAHOLI 3:21

Ana muse leo nai nusa so'da ka, losa Manetualain tao na basa hata lala'ena ala da'di beuk, sama leo Manetualain nafa'da basan, tunga nabi nala ndek makahulun eli.

ROMA 8:14

Manetualain Dula Dale na hela-nole hataholi see soona, Manetualain anan hataholi sila la.

ROMA 8:16

Manetualain Dula Dale na no ita dula dale na lafa'da lae, ita nde bee na Manetualain anan.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

ROMA 9:26

Boema nai mamanak fo nai bee, nananafa'dak neu hataholi lae, ‘Au hataholi kamaheheleng ta emi fa,’ nai ndia hataholi ndia neukose nanaseseik Manetualain fo maso'da ka, ana nala.”

1 KORINTUS 1:7

de nalosa emi ta to'a ta baba'e-papalak esa boen, nai lelek emi bei mahani ita Lamatuan Yesus Kristus mamai na, fo basa hataholi la litan.

1 KORINTUS 1:8

Neukose Kristus nde nanea matan emi losa mate'e na; fo ela nai lelek Ana falima'in te, Ana ta hapu na emi masala-masingok fa.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

FILIPI 1:20

Fo au ahiik ma au amahena ka nde, fo ela au ue-osang nini buna-boak. Dede'a nasafali na, au amahena fo ela tunga faik, lena-lenak besak ia, au apalani, nalosa no au ao paa samaneng nai lelek fo au aso'da do au mate boeo Kristus nanakoa-kiok.

KOLOSE 3:4

Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

IBRANI 12:27

Dede'a ka nae, “la'iesa seluk” natu'du nae, neukose basa daebafak fo nakadada'di kana, neukose Ana fae nanggenggengo kana ma Ana kekoheo kana, fo daenga ela ka'da hata manggengo ta kala.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.