ROMA 7:4 - Susula Malalaok Hehelu Palak Ma Hehelu Beuk

⁴ Tolano-tolanoo ngala lemin! Emi boeo leondiak. Emi ta paluu agama Yahudi hoholo-lalanen so'on, nana emi da'di esa mo Kristus so, de Yesus fo naso'da falik neme mamate sa dalek mai ndia, nuun emi so. Naso'da falik neme mamate sa mai, fo ela ita talalau-taoono Manetualain beidai ita bei maso'dak ia.

ROMA 7:4 ပူးပေါင်းရင်းမြစ်များ

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 62:5

Sama leo touana muli-soluk esa, ana ka'bing no, anafe'oana matatema esa, Leondiak boe, o Manamakadada'dim-ma, neukose Ana ka'bing no o. Sama leo manaka'bing touk esa namahoko nita saoinan-na, leondiak neukose Manetualain dalen-na, nandaa no o.

MATEOS 26:26

Lelek fo la'a boema Yesus ho'i na loti a, de Ana hule-haladoi noke makasi. Basa boema Ana tete'i loti ndia ninik lima na, de Ana fen neu ana mana tunga nala ma nae, “Ho'i man fo mi'an leona; ia nde bee na Au ao paa nga.”

MARKUS 4:20

Ma bini-ngges fo manatu'da nai dae maoe-maisik lain ndia, nakasasama na nde hataholi fo lamanene halak ndia boema ala sipo kana, de labuna-laboa ba'u ka, nalosa hapu nggelok teluhulu, hapu nggelok nehulu, ma hapu nggelok buna-boan didikuk la'i natun esa.”

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

YOHANIS 3:29

Mana kabing ina ka nde bee soona, manakabing tou ka nuun ndia. Fo mana kabing tou ka tia-lain, ka'da lapadeik leu boboa na, fo metema lamanene mana kabing tou ka hala na soona, lamahoko. Au boeo leondiak boe. Besak ia, au amahoko anseli.

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

ROMA 6:11

Emi muse manaku, emi ta tao sala-singok so'on, te emi da'di esa mo Manetualain, tunga Kristus Yesus.

ROMA 6:14

Boso fe sala-singo ka, koasa emi bai, nana emi ta maso'da nai agama Yahudi hoholo-lalanen dale so'on, te emi maso'da nai Manetualain susue-lalai na dalek so.

ROMA 6:2

Tao leo beeo ta leondiak fa! Nana sala-singo ka, ta koasa ita so'on. Hu ndia de, hapu nai bee, ita bole tao sala-singok takandondoo henin?

ROMA 6:22

Tehu besak ia, Lamatua ka soi-tefa nala emi neme sala-singo ka mai so, de emi da'di Manetualain atan so. Emi hapu nanala'ka nde, emi maso'da soaneu ka'da Manetualain fo tatao-nono'ik ndia buna-boan nde so'da matetu ka ma manaketu basa ta ka.

ROMA 7:3

Boema metema inak ndia saotou na bei naso'da, tehu inak ndia neu popo'de tou fe'ek soona, ana hohonge ndia. Tehu metema saotou na maten, fo tunga hoholo-lalane ka soona, inak ndia nai hoholo-lalane ka deak so. De metema ana sao seluk tou fe'ek soona, ana ta hohonge ndia fa.

ROMA 7:6

Tehu besak ia, agama Yahudi hoholo-lalanen ta koasa ita so'on. Ita ta tunga ala sulak hoholo-lalane palaa ka so'on. Besak ia ita tunga Manetualain Dula Dale na natu'du ita eno beu ka so.

ROMA 8:2

Nana Manetualain Dula Dale na hoholo-lalanen fo manafe ita da'di esa to Kristus Yesu sa, ndia nde soi-tefa na au eme hoholo-lalanek fo manini sala-singok ma mamates ndia mai so.

1 KORINTUS 10:16

Nai lelek ita tinu angol no toke makasi neu Manetualain, ade ndia ta natu'du nae, ita da'di esa to Kristus nai mamate na dalek fa do? Ma nai lelek ita baba'e loti, fo ita ta'a sama-sama ndia, ade ndia ta natu'du nae, ita da'di esa nai Kristu ao paa na dalek nde ndia fa do?

2 KORINTUS 11:2

Au ahiik emi sama leo Manetualain boeo nahiik emi. Emi sama na leo ana fe'oanak fo bei malalaok, fo au aheluk basa on fo fen kabing no touk esa, fo nde Kristus.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

GALATIA 5:18

Tehu metema Manetualain Dula Dale na hela-nole emi soona, agama hoholo-lalanen ta koasa emi fa.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

FILIPI 4:17

Ndia ta nanuu sosoak nae, au hii ka'da sipo emi fe fee ma fa. Fo au ahii ka nde, fo ela au ita buna-boak fo ana boetai tama fe emi nanalak.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

KOLOSE 1:22

Tehu besak ia no Manetualain Ana na mamate na de Manetualain tao na emi tututi nanatom mon ana, malole falik. No enok ndia, emi hapu masasale matak mo Manetualain no heheo-hihilu malalaok, matetu mandaak ma sala-singo tak.

KOLOSE 1:6

Halak maneme Manetualain ndia, nakapepela leo basa daebafa ka lala'e na, boema halak ndia, nini baba'e-papalak nakandoo fe hataholi a so'da na, sama leo emi hapu baba'e-papalak mulai neme lelek fo emi mamanene ala tui-benga Manetualain susue-lalain neu emi a.

KOLOSE 2:14

ma Ana sii heni ita susula hutan fo nakaseti ita tao hata esa no eno-dalak fo nini susa-soe fe ita. Hu no susula hutak ndia nanalona nggangek nai ai nggange ka de, Manetualain lose heni basa kalaak soaneu ita.

KOLOSE 2:20

Emi mate sama-sama mo Kristus so, ma emi nanase'i po'i basak neme dula dalek fo mana koasa daebafa ka no lalai a. Na, tao le'e de, emi maso'da sama leo hataholi fo daebafak ia bei koasa nala sala? Tao le'e de emi bei tunga nakanenetek fo nae,

IBRANI 10:10

Yesus Kristus tao-no'i Manetualain hii-nanaun, nde Ana fe aoina na da'dileo tutunu-hohotuk so. Ana tunu-hotu aoina na, ka'da la'iesa mesakana, soaneu losa dodoo na. No enok ndia Ana tao nalalao-nalalafu ita basa-basa tala neme sala-singo ka mai.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

NINITAK 19:7

Mai Leona, fo ata tamahoko-setelee, mai fo ata koa-kio matua-mademan! Nana fai na losa so ba'eneu Bi'ilopo Ana ka'bing no penganten ina ka, ma penganten ina ka boeo naheheleaon basa soaneu ana ka'bing non so.

NINITAK 21:9

Esa neme ata nusa so'da kahituk fomana ho'u nggalaas fo henuk no susa-soe mate'e kahitu kala, ana mai de nafa'da au nae, “Mai leona! Neukose Au atu'du o Penganten, fo Bi'ilopo Ana saoina na.”