ROMA 7:13 - Susula Malalaok Hehelu Palak Ma Hehelu Beuk

¹³ Naa, ade dede'ak ia sosoa na nae, hata malole a nini mamates fe au do? Tao leo beeo ta! Nana sala-singo ka nde nini mamates ndia dei. Sala-singo ka ana pake hata malole a fo nakamate au, fo ela hataholi a bubuluk no mangale'dok ha'da-palii masala-masingo ka. Hataholi a bubuluk sala-singok ndia mangalau na seli, neme Manetualain hoholo-lalanen mai.

ROMA 7:13 ပူးပေါင်းရင်းမြစ်များ

MATEOS 28:8

No lai-laik inak sila la la'oela late sa. Ala la'o no bii biik tehu no namahokok, duas lalai leu lafa'da dede'ak ndia neu Yesus ana mana tunga nala.

LUKAS 20:16

Tao leo bee o neukose ana ma'i fo ana taonisa manaso'u belak sila la, fo ana fe osi ndia leo manaso'u bela fe'ek neu.” Lamanene dede'ak ndia boema hataholi sila la lafa'da Yesus lae, “Ta makandondook!”

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

GALATIA 3:21

Ade dede'ak ndia sosoa na nae, agama hoholo-lalanen naseikosalak no Manetualain hehelu-balataan do? Tao leo bee o, ta! Nanahu metema agama hoholo-lalanen nanafek mai, soaneu nini so'dak fe hataholi daebafa ka soona, hataholi a malole falik no Manetualain tunga agama hoholo-lalanen.