ROMA 7:12 - Susula Malalaok Hehelu Palak Ma Hehelu Beuk

¹² Agama hoholo-lalanen no basa paleta manai hoholo-lalanek ndia dale ka, neme Manetualain mai de matetuk ma malole.

ROMA 7:12 ပူးပေါင်းရင်းမြစ်များ

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

MAZMUR 119:127

Au sue-lai O paletam-ma, lena heni lilopilas-sa, lena heni lilopilas isik-ka.

MAZMUR 119:137

Ou Manetualain, O ndoos ma matetuk, basa O hoholo-lalanem-mala la'en.

MAZMUR 119:140

O hehelum-ma, matea-mahelek, ma hapu nananamahelek, au sue-lain ba'un-na seli.

MAZMUR 119:172

Au hii akamee la'eneu O hehelum-ma, nana O paletam lala'ena, ndoos ma matetuk.

MAZMUR 119:38

Matetea-mahehele O hehelu-balataam soaneu O atam ia, hehelu-balataak fo, O fen neu hataholi manatunga neu O-a.

MAZMUR 119:86

Basa O hoholo-lalanem lala'ena, hapu nananamahelek, tulu-fali au, nana ala usi au no ne'ek ta.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

ROMA 7:14

Ita bubuluk basa, Manetualain Dula Dale na nde fe agama Yahudi hoholo-lalanen; tehu au ia hataholi tapandoes. Lase'oheni au soaneu da'di ata neu sala-singo ka so.

ROMA 7:16

Naa, metema au tao tatao-nono'ik fo ta nandaa no au dale hihii nga fa soona, dede'ak ndia sosoa na nae, au manaku ae agama Yahudi hoholo-lalanen sila la malole.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

1 TIMOTIUS 1:8

Ita bubuluk tae, agama hoholo-lalanen ndia, nde bee na malole, metema tungan no matetu na.