ROMA 6:21 - Susula Malalaok Hehelu Palak Ma Hehelu Beuk

²¹ Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ROMA 6:21 ပူးပေါင်းရင်းမြစ်များ

1RAJA-RAJA 2:26

Basa boema Mane Salomo nafa'da Imam Abyatar ra nae, “Muu leo o nggolo-ta'dum nai Anatot. O mandaa nanahukunisak, tehu faik ia neukose au ta taoisa o fa, nanahu lelek o bei sama-sama moo au ama nga, o boeo mame'da mita doi-doson lala'en-na. Ma o boeo nde ito-ato Manetualain Peti Hehelu-balataan.”

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

MAZMUR 73:17

Mate'en-na, au masok leo Manetualain Uman dale u, boema au alelak hataholi mangalauk-ka, so'da mate'en-na.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 14:12

Hapu enok fo meten soona, ta ndoos fa, tehu mate'en-na, enok ndia leo mamates-sa neu.

AMSAL 16:25

Hapu enok fo meten soona ndoos, tehu mate'en-na, enok ndia leo mamates-sa neu.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YEREMIA 12:13

Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

YESKIAL 43:11

Ma lelek ala mae basa, nanahu sila tatao-nono'in-nala soona, mafa'da mangalele'dos, Au Umang ia tao taon leo beek: uma matak leo beek-ka, lelesu masok, ma lelesu kalua-na leo beek, uma-la lakananatok tao leo beek, basa nakanenetek ma hoholo-lalanen lala'en-na. Sulak fes basa sila-la, fo ela ala mete, ma ala taoafik neu ito-ato basa hata lala'en-na, eno-dalan leo beek, boema ala tunga basa nakaneneten-nala.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 5:12

Hu ka nde hataholi esa tatao-nono'in de, sala-singo ka da'di nai daebafa ka. Boema neme sala-singok ndia mai de, mamate sa moli-da'di. Basa boema mamate sa nafeo basa hataholi daebafa ka lala'ena, nana basa hataholi daebafa ka masala-masingok mesa-mesan.

ROMA 6:16

Emi bubuluk basa, metema hataholi esa paleta emi tunga hataholi ndia dale hihii na soona, emi da'di ata neu hataholi ndia so, ta bubuluk emi da'di sala-singo ka atan fo no emi leo mamate sa dalek meu, do emi da'di ata fo tunga Manetualain, fo no enok ndia, emi malole falik mo Manetualain.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

ROMA 7:5

Nana, makahulu na ita taso'da tunga hataholi daebafa ka ha'da-tatao masala-masingo na. Nai lelek ndia, hihii-nanau masala-masingo ka ana moli-da'di, hu ka nde agama hoholo-lalanen ana paleta ita dale na. Hu ndia de ita tao tatao-nono'ik fo ninini na ka'da mamate sa.

ROMA 8:13

Nana metema emi maso'da tunga hataholi daebafa ka ha'da-paliin soona, neukose mate basa-basa mala, tehu metema emi maso'da tunga Manetualain Dula Dale na koasa na soona, neukose emi tao makamate emi tatao-nono'i masala-masingo mala tataas esa, fo emi hapu maso'da ka.

ROMA 8:6

Metema hataholi daebafa ka ha'da tataon koasa na emi dudu'a-aafim soona, ninini na ka'da mamate sa. Tehu metema Manetualain Dula Dale na koasa na emi ha'da-tataom soona, ninini na maso'da ka ma mole-dame no Manetualain.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

2 KORINTUS 7:11

Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.

ULANGAN 17:6

Tehu bole hukunisa hataholi ndia, metema hapu sakasii dua, do lena neme dua mai; ta bole hukunisa hataholi esa fa, metema hapu ka'da sakasii esa.

ULANGAN 21:22

“Metema hataholi esa nanahukunisak, nanahu tatao-nono'i mangalauk esa, fo popolan-na nanalonak nai dii esa lain,

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

IBRANI 6:8

Tehu metema dae ndia nabuna-naboa fii, ma na'u ai ana madila-nggauk, soona dae ndia sosoa-ndandaan ta, de mahani te, neukose Manetualain soo-supan, fo mate'e na, nanahotu henik.

YAKOBIS 1:15

Basa soona, metema ana tunga ndia hihii-nanau mangalaun ndia soona, ana bongi sala-singo ka; ma metema sala-singo ka namatua soona, ninini na nde mamate sa.

YAKOBIS 5:20

mafandendelek, Susula Malalao ka lalanen esa nde ia nafa'da nae, Hataholi fo no falik hataholi masala-masingok esa, neme eno-dala masala-masingo na mai soona, hataholi ndia soi-tefa na hataholi masala-masingok ndia samane na neme sala-singo ka mai, ma neme mamate sa mai, ma ana tao na, sala-singok ba'u ka, nanafe do'o do ampon. Ha'da-holomata neme ami, Yakobis

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

NINITAK 20:14

Basa boema, ala tapa Mamate sa no Faka Mamate sa leo tasi ha'ik dale neu. (Tasi ha'ik ia nde bee soona mamate kala'i dua na.)