ROMA 6:18 - Susula Malalaok Hehelu Palak Ma Hehelu Beuk

¹⁸ Lamatua ka soi-tefa nala emi neme sala-singo ka mai, de besak ia emi da'di ata neu Manetualain de tunga hihii-nanaun.

ROMA 6:18 ပူးပေါင်းရင်းမြစ်များ

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

MAZMUR 119:32

No namahokok, neukose au tunga O paletam-ma, nana O tao-ma au, boetai alelak.

MAZMUR 119:45

Soona neukose, au aso'da no ao loak, nanahu au sanga enok, fo tunga O nanolim-ma.

YESAYA 26:13

Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

YOHANIS 8:32

boema neukose emi malelak Manetualain fo ndo sa, soona neukose Ana soi-tefa na emi.”

YOHANIS 8:36

Hu ndia de, metema ana ka soi po'i emi soona, ana soi po'i emi te'e-te'e.

ROMA 6:14

Boso fe sala-singo ka, koasa emi bai, nana emi ta maso'da nai agama Yahudi hoholo-lalanen dale so'on, te emi maso'da nai Manetualain susue-lalai na dalek so.

ROMA 6:22

Tehu besak ia, Lamatua ka soi-tefa nala emi neme sala-singo ka mai so, de emi da'di Manetualain atan so. Emi hapu nanala'ka nde, emi maso'da soaneu ka'da Manetualain fo tatao-nono'ik ndia buna-boan nde so'da matetu ka ma manaketu basa ta ka.

ROMA 6:7

Nana metema hataholi esa maten soona, sala-singo ka ta koasa hataholi ndia so'on.

ROMA 8:2

Nana Manetualain Dula Dale na hoholo-lalanen fo manafe ita da'di esa to Kristus Yesu sa, ndia nde soi-tefa na au eme hoholo-lalanek fo manini sala-singok ma mamates ndia mai so.

GALATIA 5:1

Besak ia, ita ao na loak, nana Kristus se'i po'i ita so! Hu ndia de ho'u mahele emi ao loa ma, fo boso nau da'di ata seluk bai.

1 PETRUS 2:16

Ela leo bee na emi maso'da sama leo hataholi ao loa ka, tehu boso pake emi ao loam ndia, fo emi mafuni emi tatao-nono'i mangalau mala, te emi muse maso'da sama leo Manetualai nata nala.