ROMA 6:13 - Susula Malalaok Hehelu Palak Ma Hehelu Beuk

¹³ Boso fe emi ao paa ma neu sala-singo ka fo ana paken, soaneu tao-no'i tatao-nono'i mangalau ka. Te fe emi so'da ma leo Manetualain neu, sama leo hataholi manalali neme mamate sa leo maso'da ka dalek neu. Fe la'iesak emi so'da ma leo Manetualain neu, fo Ana paken soaneu makalala'ok hihii-nanaun.

ROMA 6:13 ပူးပေါင်းရင်းမြစ်များ

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

MAZMUR 37:30

Hataholi malole-a, hala-kokolan manatee-tenok, ana kokolak ndoos tataas esa, nai hala-kokolan-na dalek.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

LUKAS 15:24

Nana makahulu na au ana nga maten so, tehu besak ia naso'da falik. Makahulu na mopon, tehu besak ia hapu fali kana so.’ Boema ala mulai feta-dote leona.

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 6:11

Emi muse manaku, emi ta tao sala-singok so'on, te emi da'di esa mo Manetualain, tunga Kristus Yesus.

ROMA 6:16

Emi bubuluk basa, metema hataholi esa paleta emi tunga hataholi ndia dale hihii na soona, emi da'di ata neu hataholi ndia so, ta bubuluk emi da'di sala-singo ka atan fo no emi leo mamate sa dalek meu, do emi da'di ata fo tunga Manetualain, fo no enok ndia, emi malole falik mo Manetualain.

ROMA 6:19

Hu ka nde emi malela ma beita dai fa de, au pake dede'a ata ndia, fo ana da'di natutu'duk esa soaneu emi, fo sue kande emi malelak sosoa-ndandaan lai-lai. Makahulu na tatao-nono'i manggenggeok ma tatao-nono'i mangalau kala, ala tao emi da'di ata soaneu tao tatao-nono'i mangalau kala. Leondiak boe besak ia, ela leo been-na emi fe la'iesak emi so'da ma neu Manetualain fo da'di ata soaneu tunga hihii-nanaun.

ROMA 7:23

tehu au ame'da nana, hapu hoholo-lalane fe'ek nai au daleng dale, fo nde hoholo-lalanek fo naseikosalak no hoholo-lalanek manai au dudu'a-aafi nga dale ka. Hu ndia de, au ho'u ahele hoholo-lalane sala-singo ka de ana paleta nai au daleng dale.

ROMA 7:5

Nana, makahulu na ita taso'da tunga hataholi daebafa ka ha'da-tatao masala-masingo na. Nai lelek ndia, hihii-nanau masala-masingo ka ana moli-da'di, hu ka nde agama hoholo-lalanen ana paleta ita dale na. Hu ndia de ita tao tatao-nono'ik fo ninini na ka'da mamate sa.

1 KORINTUS 6:15

Tolano-tolanoo kala bubuluk basa, emi ao paa ma nde bee na lima eik neme Kristus ao paa na mai. Da'di, ade au bole ho'i a Kristu sao paa na ei liman esa, boema au taon dadi hataholi manasosoa-piaok esa ei liman do? Ta leondiak makandondook fa!

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

2 KORINTUS 10:4

Tee-tafa fo o ami paken nai ami ulepo'de ma dalek, ta tee-tafa fo neme daebafak ia mai fa, tehu Manetualain koasa na. No tee-tafa ndia de, ami tao makalulutuk kota musu la. Ami siliheni manamatui kala,

2 KORINTUS 5:14

Kristus susue-lalain nde koasa na ami a, nalosa ami bubuluk metema hataholi esa mate basa soaneu hataholi lala'ena soona, dede'ak ndia sosoa na nae, mate basa hataholi lala'ena so.

2 KORINTUS 5:15

Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

2 KORINTUS 8:5

Ala fe lena neme ami mamahena ka. Makasososa na ala fe aoina nala neu Lamatua ka, basa boema neu ami boe, dede'ak ndia nandaa no Manetualain hihii-nanaun.

EFESUS 2:5

nalosa leomae ita tututi-nanaton no Manetualain Dula Dale na, nono'ka bai de ketun, hu ka nde ita la'o lena nala. Ana tao naso'da falik ita sama-sama to Kristus. Da'di, ka'da no Manetualain dale malole na de, Ana soi-tefa nala emi.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

ULANGAN 25:16

Emi Manetualaim-ma, Ana ta hii hataholi manake'di-ndiuk-ka fa.”

FILIPI 1:20

Fo au ahiik ma au amahena ka nde, fo ela au ue-osang nini buna-boak. Dede'a nasafali na, au amahena fo ela tunga faik, lena-lenak besak ia, au apalani, nalosa no au ao paa samaneng nai lelek fo au aso'da do au mate boeo Kristus nanakoa-kiok.

KOLOSE 2:13

Makahulu na emi mate tunga samane ka, nanahu emi masala-masingo ma hu ka nde emi ta nanasunat tunga ao paa ka fa. Tehu besak ia, Manetualain tao naso'da falik emi sama-sama moo Kristus. Ana fe do'o do ampon neu ita sala-singo nala so,

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

2 TESALONIKA 2:12

Mate'e na, basa hataholi fo ala hii tao sala-singok, ma hataholi fo ala ta nau lamahele dede'a ndoos ndia fa soona, neukose nanahukuk.

2 TIMOTIUS 2:15

Ela leo bee na, o sanga enok te'e-te'e, fo Manetualain manaku o da'dileo hataholi fo nandaa da'di Ndia malalau-maoonon. Sanga enok, fo o boso bii-mae o tatao-nono'im ndia, fo ela o nanoli ma, nandaa no nanoli ndoos fo maneme Manetualai na mai a.

YAKOBIS 4:1

Metema natutu-nafepak ma nale'a-napili ka, ana da'di nai emi dalek soona, basa sila la ala da'di neme bee mai? Ade ana ta da'di neme hihii-nanauk fo ana ta hahae tao musu nai emi dalem dale, fo ela emi hapu manuu hika-setelee daebafa ka hetu!

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 PETRUS 4:2

Hu ndia de, emi bei maso'da nai daebafa ka, de ela leo bee na emi maso'da tunga Manetualain hihii-nanaun, te ta tunga hataholi daebafa ka hihii-nanaun fa.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.