ROMA 5:8 - Susula Malalaok Hehelu Palak Ma Hehelu Beuk

⁸ Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.

ROMA 5:8 ပူးပေါင်းရင်းမြစ်များ

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YOHANIS 15:13

Hataholi manasue-lai tolanoo nala ba'u ka, nde hataholi fo ana feheni so'da na soaneu tolanoon sila la.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

ROMA 3:5

Tehu metema Manetualain mandoon ndia boetai nananitak, hu ka nde ita tatao-nono'i masala na soona, ade ita bei sanga tae le'e bai? Metema Manetualain huku ita soona, ita tafa'da tae, Manetualain ta naketu tunga ndo na fa hetu do? Tunga hataholi daebafa ka soona, natatanek ia, memak nandaa.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

ROMA 5:6

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

ROMA 5:7

Sosotak la'iesa kana, hataholi a nau mate nggati hataholi mana tao ndoos esa. Fafaka ma hapu hataholi nggelok lapalani mate soaneu hataholi manatao ndoos esa boe.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

ROMA 8:39

nau dede'ak manai lalai la, do dede'ak manai daebafa ka do sudi beek ndia boe, basa sila la ta hapu ta'da Manetualain susue-lalain neu ita fa; sama leo natu'du basan, tunga ita Lamatuan Yesus Kristus so.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

EFESUS 2:7

Manetualain tao leondiak, fo ela nai le'do fai mana mai ka, hataholi daebafa ka hapu lita Manetualain susue-lalain ba'u na seli. Manetualain nafa'da susue-lalaik ndia, tunga dale malole na neu ita, fo Kristus Yesus nde da'di lelete a.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

IBRANI 8:3

Basa Imam Matua Ina la, nanaso'uk soaneu ana fe tutunu-hohotuk neu Manetualain. Leondiak boe, ita Imam Matua Ina; ana muse nanuu hata esa, soaneu Ana tunu-hotu.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.