ROMA 5:16 - Susula Malalaok Hehelu Palak Ma Hehelu Beuk

¹⁶ Manetualain baba'e-babatin boeo, ba'ulena nanseli, neme hataholi kisak ndia sala-singon mai. Nana hataholi kisak ndia tao salak basa soona, laketu hataholi ndia, “Nasala.” Tehu hataholi makadotok tao basa sala-singok soona, Manetualain susue-lalain mai leona fo nafa'da nae, “Ta lasala fa.”

ROMA 5:16 ပူးပေါင်းရင်းမြစ်များ

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

MATEOS 6:14

Makanaema emi fe do'o do ampon neu hataholi mana tao salak neu emi soona, neukose emi Amam manai nusa so'da ka boeo, Ana fe do'o do ampon neu emi sala-singo mala.

ROMA 8:1

Besak ia, ta hapu huhukuk soaneu hataholi fo laso'da lo Kristus Yesu sa so'on.

1 KORINTUS 11:32

Tehu metema Manetualain huku ita soona, ita bei nanananolik fo ela huhuku ka boso la'e ita sama-sama no daebafak ia.

GALATIA 3:10

Hataholi fo lamahena neu ka'da agama hoholo-lalane na, basa-basas laso'da nai soo-supa ka dalek. Nanahu nai Susula Malalaok dale, nanasulak nae, “Hataholi fo ana ta lilineka nahele nai nakalala'ok basa hata fo nanasulak nai Agama Susula Hololo-lalanen dale fa soona, Manetualain soo-supan!”

YAKOBIS 2:10

Metema hataholi a la'o lena Manetualain hoholo-lalanen esa soona, ana la'o lena la'i esak hoholo-lalanek sila lala'ena.