ROMA 5:14 - Susula Malalaok Hehelu Palak Ma Hehelu Beuk

¹⁴ Tehu neme Adam tepo lele na losa Musa tepo lele na, mamate sa koasa na basa hataholi daebafa ka lala'ena so. Leomae hataholi fo ala ta tao sala-singok sama leo Adam tao sala-singo ka fa, tehu mamate sa ana koasa na hataholi sila boe. Hataholi manamai makabui ka salao na nde Adam

ROMA 5:14 ပူးပေါင်းရင်းမြစ်များ

KEJADIAN 19:25

Kota ka duak sila-la, nanatao nakalulutuk, boeo basa bafak lala'en-na, ma basa na'u-aiana, boema basa laun manai sila-la.

KEJADIAN 4:8

Boema Kaen nafa'da fa'din Habel nae, “Mai fo, ata teu leo tina teu.” Lelek ala losa tina boema, Kaen sapun-na fa'din Habel, de ana taonisan.

KELUARAN 1:22

Boema, manek-ka fe paleta nde ia neu basa laun-nala nae, “Basa ni'iana touanak fo hataholi Ibrani-la besak-ka bongi-lan na, muse tapa henis leo Lee Nil-la dalek neu, tehu basa ana inaanan-nala nemen-na fo ala bole laso'da.”

KELUARAN 1:6

Basa ndia boema, mate Yusuf no tolanoon-nala, leondiak boe, hataholi fo dedena-baba'uk loon-nana.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

YUNUS 4:11

Hapu nai bee, Au daleng-nga ta he'dis-sa, no dudu'a-dodoo Niniwe, kota matuaina ndia fa. Nana fe'ek neme bana fo ta hapu leke-na dede'un-nala ndia fa, nai ndia boeo hapu ni'iana lena neme 120.000 ala beita hapu mete lalelak, beek kande malole, do beek kande mangalauk fa.”

ROMA 5:12

Hu ka nde hataholi esa tatao-nono'in de, sala-singo ka da'di nai daebafa ka. Boema neme sala-singok ndia mai de, mamate sa moli-da'di. Basa boema mamate sa nafeo basa hataholi daebafa ka lala'ena, nana basa hataholi daebafa ka masala-masingok mesa-mesan.

ROMA 5:17

Nana hu ka nde hataholi esa sala-singon de mamate sa nafeo basa mamanak lala'ena, tunga hataholi kisak ndia. Tehu hataholi esa, fo Yesus Kristus, Ana tao ba'ulena seluk ndia bai. Manetualain fe basa susue-lalai matuainan ndia, neu hataholi makadotok boema Ana fe hiik susue-lalain ndia fo ala malole falik lo Manetualain; neukose ala hapu koasa nai daebafak ia, tunga Kristus.

ROMA 5:21

Naa, ita muse mate, nana ita tao sala-singok. Tehu Manetualain sue-lai ita de Ana fe ita enok fo ata malole falik ton. Boema hu ka nde ita tututi-nanaton to Manetualai na, malole falik, boema Ana fe ita so'da matetu ka ma manaketu basa ta ka, tunga ita Lamatuan Yesus Kristus.

ROMA 8:20

Nana basa daebafa ka nakalulutuk, ta hu ka nde daebafa ka hihii-nanaun mesa na fa, te hu ka nde Manetualain po'ilota kasa ana da'di tao leondiak. Leomae leondiak boe, tehu bei hapu namahehenak esa nde ia,

ROMA 8:22

Ita bubuluk basa, losa faik ia, daebafa ka lala'ena hoo-nggu'u ngguu, sama leo inak esa, ana hoo-nggu'u nai lelek fo ana sanga bongi a.

1 KORINTUS 15:22

Sama leo basa hataholi daebafa ka mate, nana nanalekek da'di esa no Adam, leondiak boe, neukose basa-basan nanatao naso'dak, nana nanalekek da'di esa no Kristus.

1 KORINTUS 15:45

Nanasulak nai Susula Malalok dale nae leo ia, “Hataholi makasososa ka nde Adam, fo ana da'di mahahae maso'dak”, tehu Adam fo makabui ka, nde Dula Dalek fo manafe maso'da ka.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.