ROMA 4:5 - Susula Malalaok Hehelu Palak Ma Hehelu Beuk

⁵ Tehu hapu hataholi nggelok, ta lamahena neu ka'da sila ue-osan ndia mesa kana fa; te ana fe so'da na neu Manetualain fo manafe do'o do ampon neu sala-singo ka. Hu ka nde hataholi ndia namahehele na de, Manetualain sipok hataholi ndia, da'dileo hataholi fo nandaa no Manetualain dale na.

ROMA 4:5 ပူးပေါင်းရင်းမြစ်များ

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

MARKUS 9:23

Boema Yesus naen nae, “O mae le'e? O mae, metema Ama hapu? Hata lala'ena ana da'di, sa'di hataholi a namahele!”

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

YOHANIS 6:29

Boema Yesus nafa'das nae, “Manetualain nau emi tao ka nde ia: mamahele Manetualain nadenu Hataholi a, leona.”

ROMA 10:3

Ala ta bubuluk eno na tao leo beek fo, Manetualain tao na hataholi daebafa ka tututi-nanaton lo nana, malole falik. Nanahu ala nau tunga sila hihii-nanau mesa nala, te ala ta nau tunga Manetualain natu'du fes eno ka fa.

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

ROMA 4:24

tehu soaneu ita boe. Neukose ita boeo nanasipok da'dileo hataholi fa nadaa no Manetualain dale na boe, nanahu ita tamahele Manetualain fo manatao naso'da falik Yesus fo ita Lamatua na, neme mamate sa mai.

ROMA 4:3

Nai Susula Malalaok dale, nanasulak nae, “Abraham namahele Manetualain, de hu ka nde namahehelen ndia de, Manetualain sipo kana da'dileo hataholi fo nandaa no Manetualain dale na.”

ROMA 4:6

Dauk hahapu na leondiak boe; hu ndia de nae, hataholi fo Manetualain sipo kana da'dileo hataholi fo nandaa no Manetualain dale na ndia, naua-nanale, ma Manetualain kokaheni, hataholi ndia tatao-nono'i masala nala. Dauk nafa'da nae leo ia,

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

YOSUA 24:2

Boema Yosua nafa'da basa-basas nae, “Mamanene hata fo Manetualain fo Israel Manetualain-na, nafa'dan neu emi, ‘Makahulun eli, emi bei-ba'i kaim-mala leo leme Lee Efrat-ta selik, ma ala sene-do'ok neu lamatua daebafak-kala. Terah, fo Abraham ma Nahor aman nai dalek boe.