ROMA 4:3 - Susula Malalaok Hehelu Palak Ma Hehelu Beuk

³ Nai Susula Malalaok dale, nanasulak nae, “Abraham namahele Manetualain, de hu ka nde namahehelen ndia de, Manetualain sipo kana da'dileo hataholi fo nandaa no Manetualain dale na.”

ROMA 4:3 ပူးပေါင်းရင်းမြစ်များ

KEJADIAN 15:6

Abram namahele neu Manetualain, hu ndia de, Manetualain sipok-kana da'di leo hataholi fo nandaa no dalen-na.

MAZMUR 106:31

Ana namahele, tatao-nono'ik ndia da'di leo tatao-nono'i malole ba'eneun, de nafandendelek nahelen losa dodoon-na.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

MATEOS 20:9

Boema mana so'u belak fo mana maue-male'dik neme li'u lima le'donoso na ala mai. Sila esa-esak ana sipo doi isi lilo fulak esa.

MARKUS 12:10

Tao leo bee o, emi lees basa Susula Malalao ka lalanen esa nde ia nae, ‘Batu fo tuka uma la ta pake fa na, ana da'di batu fo makasososak so.

ROMA 10:11

Nai Susula Malalaok dale nanasulak nae, “Hataholi kamahehele ka dale na ta naba'e fa.”

ROMA 11:2

Ta! Neme makasososan mai a, Manetualain hele basa hataholi kamahehele nala so, de Ana ta tu'u-tapaheni fas. Emi bubuluk hata fo nanasulak nai Susula Malalaok dale la'eneu Elia, nai lelek ana kalaak hataholi Israe la leo Manetualain neu. Elia nae,

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

ROMA 4:5

Tehu hapu hataholi nggelok, ta lamahena neu ka'da sila ue-osan ndia mesa kana fa; te ana fe so'da na neu Manetualain fo manafe do'o do ampon neu sala-singo ka. Hu ka nde hataholi ndia namahehele na de, Manetualain sipok hataholi ndia, da'dileo hataholi fo nandaa no Manetualain dale na.

ROMA 4:9

Ade Manetualain fe ua-nalek ia neu ka'da hataholi manatunga suna ta nakanenete nala do? Do Manetualain fen neu hataholi ta manatunga suna ta nakanenete na boe do ta? Ami kokolak basan mae, Manetualain sipok Abraham da'dileo hataholi fo nandaa no dale na, nanahu namahele Manetualain.

ROMA 9:17

Nana nai Susula Malalaok dale nanasulak nae, “Manetualain nafa'da mane Masi ra nae, ‘Au so'u o da'di manek soaneu ka'da dudu'ak esa nde ia, fo ela tunga o fo Au atu'du Au koasa nga ma Au na'de nga nananita-nalelak nai basa daebafa ka lala'ena.’ ”

YAKOBIS 2:23

Dede'ak ndia nandaa no Susula Malalao ka lalanen esa nde ia nae, “Abraham namahele Manetualain, ma hu ka nde namahehelen ndia de, Manetualain sipo kana, da'dileo hataholi mana tao tunga Manetualain hihii-nanaun.” Hu ndia de loke Abraham lae, “Manetualain tia-lain.”

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”