ROMA 4:14 - Susula Malalaok Hehelu Palak Ma Hehelu Beuk

¹⁴ Nana metema ka'da hataholi manatunga agama Yahudi hoholo-lalanen sila mesa kana neukose ana sipo hata fo Manetualain helu ka soona, namahehelek neu Manetualai na sosoa-ndandaan ta makandondook, ma Manetualain hala hehelu na boeo pepekok ndia.

ROMA 4:14 ပူးပေါင်းရင်းမြစ်များ

MAZMUR 119:126

Manetualain, fain-na losa, soaneu O tao hata esa, nana hataholi-la la'olena, O hoholo-lalanem.

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YEREMIA 19:7

Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

BILANGAN 30:12

Tehu metema, nai lelek saotoun-na namanene dede'ak ndia boema, ana kena-ka'in, soona inak ndia natapo'i neme nasar, do hehelu-balataan ndia mai. Neukose Manetualain fen do'o do ampon, nanahu saotoun-na kena ka'in.

BILANGAN 30:15

Metema nai fai makabuin, saotoun-na ta sipok saoinan-na nasar do hehelu-balataan ndia fa, soona saotoun-na nde muse lu'a-lepa tatao-nono'in nininin-na.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

1 KORINTUS 1:13

Hapu nai bee, Kristus nanababa'ek! Paulus ta mate nanalona-nggangek soaneu emi fa! Emi boeo ta nanasalanik soaneu da'di Paulus ana manatungan fa hetu?

GALATIA 2:21

Au ta akadadaek Manetualain baba'e-papalan fa. Tehu metema hataholi a tututi-nanaton no Manetualain malole falik, hu ka nde hataholi a tao tunga agama hoholo-lalanen soona, ndia sosoa na nae, Kristus mamate na sosoa-ndandaan ta!

GALATIA 5:4

Metema emi sanga enok fo emi malole mo Manetualain tunga agama hoholo-lalanen soona, dede'ak ndia sosoa na nae, emi tututi-nanatom mo Kristu sa, ketun so. No enok ndia, emi maso'da nai Manetualain susue-lalain, dae too na deak so.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

IBRANI 7:28

Agama Yahudi a hoholo-lalanen so'u hataholi fo ta matetu-mandaak da'di imam matua ina. Tehu makabui na, neme hoholo-lalanek ndia mai, de Manetualain tao hehelu-balataak ninik soo-supak nae, Ana so'u Ana na da'dileo Imam Matua Ina, fo nananakadada'di basak da'di Mana Soi-tefa fo matetu-mandaak, losa dodoo na.