ROMA 4:13 - Susula Malalaok Hehelu Palak Ma Hehelu Beuk

¹³ Manetualain helu Abraham no tititi-nonosi nala nae, daebafak ia neukose ana Abraham nuun. Manetualain helu nae leondia nana, ta hu ka nde Abraham tunga agama Yahudi hoholo-lalanen fa, te hu ka nde namahele Manetualain nalosa Manetualain sipo kana da'dileo hataholi fo nandaa no dale na.

ROMA 4:13 ပူးပေါင်းရင်းမြစ်များ

KEJADIAN 12:3

Neukose, Au ba'e-pala hataholi fo, manafe o baba'e-papalak, ma Au soo-supa hataholi fo, manasoo-supa o-a. Ma hu kande o, de neukose Au ba'e-pala basa leoina manai daebafak-ka lala'en-na.”

KEJADIAN 17:16

Neukose, Au ba'e-palan, ma neukose, ana bongin-na ni'iana touanak esa, fo Au fen neu o. Neukose, Au ba'e-pala Sara, ma neukose ana da'di ina kai, neu leoina-la. Neukose hapu manek-kala, nai tititi-nonosin-nala dalek.”

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 2:8

Moke leona, soona Au fe o, basa leoina lala'en-na, ma Au tao daebafak-ka lala'en-na, da'di o nuum.

MAZMUR 72:11

Basa manek-kala, neukose ala sene-do'ok nai matan-na, basa leoina lala'ena, da'di atan-na.

HATAHOLI 13:32

Da'di besak ia, ami manduku-malosak Hala Malole ndia neu emi: Hata fo Manetualain helu basan neu ita bei ba'ikai nala,

ROMA 4:12

Abraham da'di ama salanik neu hataholi manatunga suna ta nakanenete na boe. Tehu, ta hu ka nde sila tunga suna ta nakanenete na boema, Abraham da'di sila ama salanin, te hu ka nde sila lamahele Manetualain sama na leo Abraham namahele te, ana beita tunga suna ta nakanenete na boe.

ROMA 9:8

Dede'ak ndia sosoa na nae, Abraham tititi-nonosin nde da'di Manetualain ana nala, nde bee na ka'da tititi-nonosin nde nanabongik, hu ka nde Manetualain hehelu-balataan; te ta basa tititi-nonosi nala fa.

GALATIA 3:29

Metema emi manuu Kristus soona, emi nde bee na, Abraham tititi-nonosin. De neukose, emi sipo hata fo Manetualain helu ka.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 7:6

Melkisedek ia, Lewi tititi-nonosin ta ndia fa, tehu ana sipo baba'ek esa neme baba'ek sanahulu neme basa hata lala'en fo Abraham loso ninis ala, ma ana fe Abraham baba'e-papalak boe, lena-lenak ana sipo basa hehelu-balataak neme Manetualain mai.