ROMA 4:11 - Susula Malalaok Hehelu Palak Ma Hehelu Beuk

¹¹ Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

ROMA 4:11 ပူးပေါင်းရင်းမြစ်များ

KEJADIAN 17:24

Abraham nanasunat ndek lelek teun siohulu sio,

MAZMUR 47:9

Manetualain nangatuuk nai kandela manen fo, malalao-malalafun lain; Ana paleta leoina-kala.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 31:13

fo po'a-benga neu leoina Israel-la nae, “Makaboboi fai Sabat, faik fo Au aketu basan da'dileo fai hahaeaok. Faik ndia da'di nasanene'dak neu emi ma Au losa dodoon-na, fo ela emi bubuluk mae Au nde Manetualain, ma mae Au tao emi da'di Au leoinang so.

KELUARAN 31:17

Faik ndia nde been-na fai nasanene'dak esa fo nahele neu leoina Israel-la ma Au, nanahu Au, fo Manetualain, akadada'dik basa lalai ma daebafak-ka nai faik nee dalen-na, de nai faik ka hitun-na Au hahae ue-le'dis de Au hahaeaong.”

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 20:20

Tao malalao-malalafu fai Sabat-ta, fo ela ana da'di ta'du-tana hehelu-balataak nai Au ma emi, fo ana fe emi nasanene'dak, nae Au nde, emi Amam Manetualain-na.’

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MATEOS 8:11

Tete'e ka! Neukose hataholi ba'u ka ala mai leme dulu ma muli mai, fo lamahoko sama-sama lo Abraham, Isak ma Yakob nai Manetualain Daebafa Beun dale.

LUKAS 19:9

Boema Yesus nafa'da hataholi makadotok sila la nae, “Nai faik ia, hataholi ia no basa uma isi nala nanasoi-tefa basak ma nanafe so'da beuk neme Manetualain mai, nanahu ndia boeo namahele sama leo Abraham fo emi bei ba'ikai mala.

YOHANIS 3:33

Hataholi fo lamahele hala-kokola na nde hataholi fo, te'e-te'e lamahele Manetualain nde bee na, ndoos.

YOHANIS 3:36

Hataholi fo namahele neu Anak ndia, neukose ana hapu so'da matetu ka, ma manaketu basa ta ka. Tehu hataholi fo ta namahele Anak ndia, ana ta hapu maso'da ka fa. Te Manetualain hukun losa dodoo na.

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

YOHANIS 6:40

Fo memak dede'ak ndia nde nandaa no Au Amang hihii-nanau na. Au Amang hihii-nanaun nde, metema see nita Ana ka fo namahelen soona, ana hapu maso'da matetu ka, ma manaketu basa ta ka, boema Au tao aso'da fali kasa nai Fai Mate'e ka.”

YOHANIS 6:47

Fo ela emi bubuluk te: Hataholi see namahele soona, ana hapu maso'da matetu ka, ma manaketu basa ta ka.

YOHANIS 8:33

Tehu lafa'da Yesus lae, “Ami ia, Abraham tititi-nonosin. Beita la'iesa fo ami da'di ata neu hataholi esa boen! Te O dudu'a tao leo beek, de O mafa'da mae, ‘Neukose emi nanase'i po'ik’?”

ROMA 10:11

Nai Susula Malalaok dale nanasulak nae, “Hataholi kamahehele ka dale na ta naba'e fa.”

ROMA 10:4

Kristus tao natetu agama hoholo-lalanen so. Da'di, hataholi see namahele Kristus soona, tututi-nanaton no Manetualai na, malole falik.

ROMA 10:6

Tehu enok fo hataholi a malole falik no Manetualai na, nde ka'da tunga namahehelek neu Manetualai na. Susula Malalao ka nae leo ia, “O boso dodoo nai o dalem dale mae, ‘Neukose see ka nde neukose kae leo nusa so'da ka neu?’ (sosoa na nae, neu fo no Kristus kona leo daebafa ka mai),

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

ROMA 3:26

Tehu besak ia, Ana ta tao mangana'uk neu sala-singo ka fo natu'du ndo matetu na. No enok ndia, natu'du ndo matetu na; ma hataholi fo namahele neu Yesu sa nananafa'dak da'dileo hataholi fo ana malole falik no Manetualain so.

ROMA 3:30

Nana Manetualain ka'da esa mesa kana. Ndia nde fe hataholi Yahudi la malole falik lo Manetualain, hu ka nde lamahele. Ma Ndia boeo nde fe leoina fe'e kala malole falik lon, nana lamahele boe.

ROMA 4:10

Naa, Manetualain nafa'da dede'ak ndia ndek faihi'da ka? Ndek beita sunat Abraham fa do sunat basan so? Memak ndek beita suna tana fa, te ta ndek sunat basa nana fa.

ROMA 9:30

Da'di, dede'a ka isi na nde ia: Leoina fe'ek fo hataholi ta Yahudi la, ala ta sanga enok fo ela tututi-nanaton lo Manetualai na malole falik fa. Tehu hu ka nde lamahele de, Manetualai tao na sila tututi-nanaton lo nana, ana da'di malole falik.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

ROMA 9:6

Au ta dudu'a ae, Manetualain hehelu-balataa na, ta paken so'on; tehu Manetualain ta hele basa hataholi Israe la, da'di hataholi kamahehelek fa.

2 KORINTUS 1:22

Soaneu ndia de, Manetualain paku basa ita da'di Ndia nuun, ma Ana fe Dula Dale na leo nai ita dalen dale, da'dileo bua pepe'dak esa nae, neukose Ana fe ita basa hata fo Ana helu ka.

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

GALATIA 3:29

Metema emi manuu Kristus soona, emi nde bee na, Abraham tititi-nonosin. De neukose, emi sipo hata fo Manetualain helu ka.

GALATIA 3:7

Hu ndia de, ela leo bee na emi bubuluk te, hataholi fo te'e-te'e Abraham tititi-nonosi nala nde bee na, nde hataholi fo namahele neu Manetualai na.

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

GALATIA 6:16

Ba'eneu hataholi fo laso'da tunga dale nakeketu leondia ka, ma ba'eneu Manetualain hataholi kamahehelen lala'ena, au amahena, ela leo bee na, Manetualain fes so'da-molek ma susue-lalai na.

EFESUS 1:13

Emi boeo da'di Manetualain hataholi kamahehelen, ndek lelek fo emi mamanene Manetualain hala-hehelu na, fo nde Hala Malole fo mana fe so'dak neu emi a. Emi mamahele neu Kristus Yesus, hu ndia de Manetualain tao ta'du-tana neu emi, fo emi da'di Ndia nuun. Ta'du-tana ndia nde, Dula dalek fo Ana helu ka.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

NINITAK 9:4

Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.