ROMA 3:26 - Susula Malalaok Hehelu Palak Ma Hehelu Beuk

²⁶ Tehu besak ia, Ana ta tao mangana'uk neu sala-singo ka fo natu'du ndo matetu na. No enok ndia, natu'du ndo matetu na; ma hataholi fo namahele neu Yesu sa nananafa'dak da'dileo hataholi fo ana malole falik no Manetualain so.

ROMA 3:26 ပူးပေါင်းရင်းမြစ်များ

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

LUKAS 1:80

Zakharia anan ndia boetai namatua ka, ma dula dale na boetai balakaik. Ana leo nai mo maloa, losa fai na losa, natu'du aoina na neu leoina Israe la.

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

ROMA 3:27

Hu ndia de, ita ta hapu seluk ne'ek soaneu tamatutua-tamadedema fa. Taol e'e de, leondiak? Ade hu ka nde, ita tao tatetu hata fo nanasulak nai agama Yahudi hoholo-lalanen dale do? Ta leondiak fa. Te hu ka nde, ita tamahele.

ROMA 3:30

Nana Manetualain ka'da esa mesa kana. Ndia nde fe hataholi Yahudi la malole falik lo Manetualain, hu ka nde lamahele. Ma Ndia boeo nde fe leoina fe'e kala malole falik lon, nana lamahele boe.

ROMA 4:5

Tehu hapu hataholi nggelok, ta lamahena neu ka'da sila ue-osan ndia mesa kana fa; te ana fe so'da na neu Manetualain fo manafe do'o do ampon neu sala-singo ka. Hu ka nde hataholi ndia namahehele na de, Manetualain sipok hataholi ndia, da'dileo hataholi fo nandaa no Manetualain dale na.

ROMA 8:33

Manetualain hele basa ita da'di Ndia salanin so, de nafa'da nae, ita salan ta, na see kande napalani kalaak ita bai?

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!