ROMA 2:7 - Susula Malalaok Hehelu Palak Ma Hehelu Beuk

⁷ Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

ROMA 2:7 ပူးပေါင်းရင်းမြစ်များ

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

MAZMUR 37:34

Mamahena neu Manetualain, ma tunga paletan-na, soona Ana so'u o, fo o manuu dae ndia; neukose o mita hataholi mangalauk-ka nanatao namopo-namatek.

YESKIAL 18:17

Ana beita tao nita, tatao-nono'i mangalauk, do ana fe hataholi manatonak-kala, fe bunak. Ana tunga Au hoholo-lalaneng, ma ana tao tunga Au paletang-ngala. Neukose, ta mate ni'iana ndia, hu kande aman sala-singon-nala fa, tehu naso'da nahele.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

LUKAS 21:19

Metema emi makatatakak ma ta haelai mamanasa fa soona, neukose emi maso'da.”

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

YOHANIS 4:36

Hataholi manaketu-kolu ka ana mulai sipo ngga'di na so. Boema ana tao nakabubua basa buna-boan lala'ena, soaneu so'da matetu ka, ma manaketu basa ta ka. Fo hataholi manasele-nggali ka no hataholi manaketu-kolu ka, lamahoko sama-sama.

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

ROMA 2:10

Tehu basa hataholi manatao tatao-nono'i malole a, neukose Manetualain fes mandela-masa'ak ma ha'da-holomata, boema so'da-molek; makasososa na hataholi Yahudi a, basa soona leoina fe'e kala.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.

1 KORINTUS 15:42

Mahani te dede'a na da'di tao leondiak no hataholi manamatek fo nanatao naso'da fali ka boe. Ao paak fo nananatoik ndia nde bee na, ao paak fo bisa pulu po'on, tehu ao paak fo nanatao naso'da fali ka nde bee na, ao paak fo ta bisa pulu po'o fan.

1 KORINTUS 15:50

Tolano-tolanoo ngala lemin, au dudu'a nga nde bee na: ao paak fo nananakadada'dik neme daak ma paa ia, ana ta hapu masok leo Manetualain Daebafa Beu na fa; ma ao paak fo hapu maten ia, ana ta hapu da'di matea-mahelek fa.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

GALATIA 6:9

Hu ndia de, ita boso pela-malua tao-no'i dede'a malole; nanahu metema ita ta hahae tao-no'i dede'ak sila la fa soona, neu faik esa te, neukose ita ketu-kolu buna-boan.

EFESUS 6:24

Ela leo bee na Manetualain fe baba'e-papalak neu emi basa-basa mala fo mana sue-lai neu ita Lamatuan Yesus Kristus ninik susue-lalaik fo ta hapu mate fan. Ha'da-holomata neme ami, Paulus

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

2 TIMOTIUS 1:10

Boema besak ia, Manetualain natu'du susue-lalain ndia neu ita, ninik ita Mane Mana Fe So'da na fo Kristus Yesus mamai na. Yesus sengi mamate sa koasa na, de nini so'da mana ketu basa ta ka, tunga Hala Malole ndia.

IBRANI 2:7

Soaneu fai keke'uanak esa mesa kana, O makadada'di kana nai ata nusa so'da ka dae faa anak. O fen nangatutuu mandela-masa'ak, ma maha'da-holomatak,

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

IBRANI 6:15

Abraham nahani no ta haelai namanasa fa, de ana sipo hata fo Manetualain helu ka.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.