ROMA 2:3 - Susula Malalaok Hehelu Palak Ma Hehelu Beuk

³ Tehu tolanoo ngala lemin! Emi boeo tao tatao-nono'ik fo emi makasasa'e kana neu hataholi fe'ek sila la boe! De emi maedaenga Manetualain ta huku emi fa do?

ROMA 2:3 ပူးပေါင်းရင်းမြစ်များ

2 SEMUEL 10:3

Lelek ala losa Amon boema, nusak ndia, mauli-malangan-nala lafa'da Hanun lae, “Ama Manek boso dodoo-dudu'a mae Dauk nadenu hataholi sila-la ala mai, hu ka nde ana nau fe ha'da-holomata neu Ama Manek aman! Te nadenu hataholi sila-la, ala mai leo ia mai, fo ala da'di manamakuk soaneu ala palisak lutu-lutuk nusak ia, fo ela bisa nangatuu-nan.”

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 56:7

Ala tao nakabua makahatuk nai mamana nafunik, ala taoafik besa-besa neu hata lala'en fo au tao-no'in, ma ala sanga fai lelak soaneu taolisa au.

AMSAL 11:21

Hataholi mangalauk-ka, tao leo bee-o, ana hapu huhukuk; tehu hataholi malole-a, neukose naso'da.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

YESKIAL 17:15

Tehu mane Yehuda lena-la'ban, boema nadenu hataholi neu leo Masir neu, fo mane Masir-ra fen ndala ma solda'du makadotok. Tehu, ade ana hapu buna-boan do ta? Ade, nadenu hataholi-la, laso'da do ta? Hataholi manamalelesi hehelu-balataak-ka, muse hukun!

YESKIAL 17:18

Hu kande, ana la'olena soo-supan, ma hehelu-balataan, de neukose, ana ta hapu naladeak so'on.

DANIAL 10:19

Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

MATEOS 23:33

Emi hataholi mangalau kala, ma tititi-nonosi hataholi mangalauk. Tao leo bee fo emi hapu matapo'i neme huhuku tasi ha'i ka mai?

MATEOS 26:53

O maedae nga Au ta hapu oke tutulu-fafalik neme Au Amang mai, fo soaneu hatematak esa mesa kana, Ana haitua fe Au ata nusa so'dak lenak neme bubuak sanahulu dua mai, fo ala tulu fali Au fa do?

LUKAS 12:14

Yesus nataa nae, “Tolanoo ei, see ka nde so'u Au da'di manamaketu-mala'di, do manaba'e hata pusaka neu emi dua?”

LUKAS 22:58

Doo-doo faa boema, hataholi fe'ek esa nita Petrus boema nae, “O boeo hataholi esa neme hataholi sila la mai hetu!” Tehu Petrus nataa nae, “Ta, au ta!”

LUKAS 22:60

Tehu Petrus nataa nae, “Tou nei, o kokolak mae le'e ndia, au ta bubuluk fa!” Hatematak ndia boe fo Petrus bei kola-kola, te manu kokoa.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

ROMA 2:2

Ita bubuluk basa, metema Manetualain naketu hataholi manatao tatao-nono'i matak leo sila kala, huhuku nala soona, Manetualain nakeketun ndia la'en.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.