ROMA 2:19 - Susula Malalaok Hehelu Palak Ma Hehelu Beuk

¹⁹ Tolanoo kala manaku mae, hataholi poke kala mauli-malangan nde tolanoo kala, ma tolanoo kala da'di mangale'dok ba'eneu hataholi manai makahatu ka dalek.

ROMA 2:19 ပူးပေါင်းရင်းမြစ်များ

AMSAL 26:12

Hataholi fo, nggoan-na seli, malole lena neme hataholi fo, nafa'da nae ndia hataholi malelak.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

MATEOS 5:14

Emi ia mangale'do daebafak. Kota manai pupukuk lai na, kota ndia ta hapu nananafunik fa.

MATEOS 6:23

Tehu metema emi mata ma keluha'bu ka soona, emi ao paa ma makiu-makahatuk. Da'di metema banuk manai emi ao paa ma dalek ndia, makahatuk soona, makahatuk ndia ba'u na seli!”

MARKUS 10:15

Mafandendelek dede'a ka nde ia! See ta neu nataa Manetualain sama na leo ni'iana esa fa soona, neukose ana ta da'di lima eik neme Manetualain hataholi kamahehele nala fa.”

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

YOHANIS 9:34

Boema lae, “O mae le'e? Ala bongi o no sala-singok, tehu o sanga manoli ami bai?” Mulai neme faik ndia mai, ala ta nau hataholi ndia neu leo uma mamasok dale neu so'on.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

ROMA 2:18

Hu ka nde natutu'duk neme hoholo-lalanek ndia mai, de nalosa tolanoo kala bubuluk Manetualain hihii-nanaun ma tolanoo kala bubuluk bee ka nde malole a.

ROMA 2:20

Tolanoo kala manoli hataholi ha'da ta kala, ma mesen ba'eneu hataholi nggoa kala. Tolanoo kala manaku mae, tolanoo kala hapu basa malelak lala'ena ma nanoli ndo sa nai agama Yahudi a hoholo-lalanen dale.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.