ROMA 16:18 - Susula Malalaok Hehelu Palak Ma Hehelu Beuk

¹⁸ Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

ROMA 16:18 ပူးပေါင်းရင်းမြစ်များ

2 SEMUEL 15:6

Absalom tao leondiak neu basa hataholi Israel fo sanga neu kalaak dede'an-na leo manek-ka neu; no enok ndia, Absalom hapu ho'i hataholi Israel-la dalen-na.

2TAWARIKH 18:5

Boema Ahab naloo nakabubua nabi fafa'kama natun haa de natanes nae, “Au bole u sapu-a Ramot do ta?” Lataa lae, “Bole! Neukose Manetualain fe kota ndia neu Ama Manek.”

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

AMSAL 14:15

Hataholi nggoak-ka, namahele neu basa dede'a-kokolak lala'en-na, tehu hataholi manatee-tenok-ka, ho'i nakeketuk besa-besa.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

AMSAL 8:5

Emi fo dudu'a-aafi manadai tak-kala lemin, manoli manuu dudu'ak matane; emi fo nggoam-ma seli, manoli da'di manatukatei-manasale dalek.

YEREMIA 23:17

Ba'eneu hataholi-hataholi fo tanau lamanene Au hala-kokolang-nga fa, ala lafa'da tatas esa lae, ‘Neukose emi maso'da-mamole.’ Ma neu basa hataholi fo malanga batuk-ka, ala lafa'da lae, ‘Neukose o ta hapu susa-soe fa.’ ”

YESKIAL 13:16

hai nabi masapepekok-kala lemin! Emi malame'i mae Yerusalem nee-nee lino-lino, te se'kona ta leondiak fa!” Manetualain Fo Mademaina, nafa'da nae leondia.

YESKIAL 13:19

Emi makamumulu-makamamaek basa Au, nai Au anang-ngala matan so, ka'da soaneu emi hapu jelei nafanggetek de'ubee, ma loti biak de'ubee. Emi taomisa hataholi sala tak-kala, tehu hataholi fo nandaa hukunisan, emi po'ilotak-kana naso'da. Boema, emi masapepeko-masandandali Au anang-ngala, de lamahele emi.’ ”

DANIAL 11:34

Nai lelek ala bei tao-tao loo kanisak ndia te, neukose Manetualain anan-nala, hapu tutulu-fafalik faa anak, tehu hataholi makadotok lakabubua loos ka'da soaneu sila paluun-na mesak-kana.

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

MATEOS 24:11

Neukose nabi pepekok ba'u ka ala to'da mai fo ala ke'dindiu la hataholi ba'u.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

ROMA 14:18

Hataholi fo nalalau-naoono Kristus no enok leondia ka, hataholi ndia nandaa no Manetualain dale na, ma hataholi fe'e kala fe ha'da-holomata neun.

ROMA 16:19

Basa hataholi la bubuluk basa lae, emi lilineka neu nanolik la'eneu Manetualain Hala Malole na. Ma au amahoko neu dede'ak ndia la'eneu emi. Au nau fo ela emi manatee tenom la'eneu dede'a malole la ma emi mamanggoa la'eneu dede'a mangalau kala.

2 KORINTUS 11:3

Tehu au bibii ka'da, emi dudu'a-aafim nanadudungu-papauk soaneu ta lilineka seluk neu Kristus sama na leo Hawa, fo makahulu na boeo nanadudungu-papauk neme menge a malela talimo'di na mai.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

FILIPI 2:21

Te basa fe'ek sila la soona, ala ito-ato ka'da sila paluu nala, te ala ta ito-ato Yesus Kristus paluu na fa.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

KOLOSE 2:4

Au afa'da basa dede'ak ia la neu emi, fo daenga hataholi boso ke'di ndiu nala emi ninik dede'a-kakola makee-mamina nala.

KOLOSE 3:24

Mafandendelek te, neukose emi sipo ngga'di neme Lamatua ka mai. Hata fo Lamatua ka sadia basan soaneu hataholi kamahehele nala, neukose ndia nde Ana fen neu emi a. Nanahu malanga matetu-mandaak fo emi malalau-maoono ka nde, Kristus mesa kana.

2 TESALONIKA 2:10

Ana pake basa ke'dindiu mangalauk lala'ena, fo ana ke'dindiu hataholi fo, ala ta nau sipok hala ndoos maneme Manetualain na mai. Neukose mate basa hataholi sila la, nana ala ta nau lamahele halak fo manini so'dak ndia fa.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

SEMUEL SUSULAK-KA ESAN-NA 2:29

Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?