ROMA 15:30 - Susula Malalaok Hehelu Palak Ma Hehelu Beuk

³⁰ No ita Lamatuan Yesus Kristus na'de na, ma no Manetualain Dula Dale na fe susue-lalai ka, au oke anseli neu emi, ela leo bee na emi hule-haladoi te'e-te'e sama-sama mo au neu Manetualai soaneu au.

ROMA 15:30 ပူးပေါင်းရင်းမြစ်များ

MAZMUR 143:10

Manoli au, fo au akalala'ok O hihii-nanaum, nana au Manetualaing-nga nde O. O dale malole, de neukose, O hela-nole au, leo eno matetuk-ka neu.

2 KORINTUS 1:11

Ami mamahele, no emi hule-haladoim soaneu ami a de, neukose Manetualain soi-tefa seluk ami neme susa-soe a mai. Manetualain nakaheik ba'e-pala ami da'dileo natataak neu hule-haladoi ba'u soaneu ami. Ma hu ndia de, hataholi ba'u ka neukose loke makasi neu Manetualain.

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

2 KORINTUS 4:11

Doo-doo basa ia, nai ami maso'da ma dalek, mamate sa mama'u ami tataas esa nanahu Yesus, fo ela no enok ndia, Yesus maso'da na boeo nananitak nai ami ao paam manafuu-mopok ia.

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

EFESUS 6:19

Ma hule-haladoi soaneu au boe, fo ela nai lelek fo au kokolak soona, Manetualain fe au dede'a-kokola ka, nandaa. Fo ela au apalani afa'da Hala Malole ndia, dede'a nafufuni nala.

FILIPI 2:1

Emi hataholi balakaik, nanahu emi da'di esa mo Kristus. Ma emi mamahoko nanahu Kristus sue-lai emi! Manetualain Dula Dale na hela-nole emi de, emi masue-malai ao ma matulu-mafali ao.

KOLOSE 1:8

Ndia nde nafa'da ami nae, hu no Manetualain Dula dale na koasa na de, emi masue-malai ao.

KOLOSE 2:1

Au nau emi bubuluk, tao leo bee de au puse laipana anseli soaneu emi ma soaneu sila fo manai Laodikia la, boema soaneu hataholi fo beita lalelak matalolole au fa.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

1 TESALONIKA 5:25

Tolano-tolanoo ngala lemin, hule-haladoi fe ami!

2 TESALONIKA 3:1

Tolano-tolanoo ngala lemin! Au oke emi hule-haladoi soaneu ami. Hule-haladoi, fo ela Lamatua ka dede'a kokolan nakapepela nakandoo no lai-laik, ma ala sipo kana no malole, sama leo makahulu na emi boe.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo: