ROMA 15:26 - Susula Malalaok Hehelu Palak Ma Hehelu Beuk

²⁶ Nana salanik manai Makedonia ma Akhaya la lakaheik basa, ala fe tutulu-fafalik neu tolano-tolanook fo nuu ta-hata tak manai Manetualain hataholi kamahehelen Yerusalem ma.

ROMA 15:26 ပူးပေါင်းရင်းမြစ်များ

AMSAL 14:21

See nakamumulu-nakamamaek hataholi soona, ana tao sala-singok; tehu see dalen-na malole no hataholi nuu-taa hata-taak-ka soona, neukose naua-nanale.

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

ZAKHARIA 11:11

Nai faik ndia boe, hehelu-balataak ndia, ta paken so'on. Basa manadangan bi'ilopo sila-la, taoafik neu au, de lame'da lae, Manetualain bei kola-kola tunga au tatao-nono'ing lala'en-na.

ZAKHARIA 11:7

Au, Zakharia, boema manadangan bi'ilopo-la se'ba au, soaneu foo bi'ilopo, fo neukose nanado'ok sila-la. Au aitete'eng 2; de Au foi esa na'de “Dale Malole” ma esak-ka seluk, na'de, “Hehengek.” Basa boema, au mulai anea, ma au akaboboi bi'ilopo sila-la.

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

MATEOS 26:11

Hataholi nu ta-hata ta kala lo emi tataas esa, tehu Au ta o ahele emi fa.

LUKAS 14:13

Da'di, metema o tao feta soona, ka'i hataholi nuu ta-hata tak, hataholi bu'u-ba'ek, hataholi lu'u eik, ma hataholi poke-pakek.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

HATAHOLI 16:12

Boema ami meme ndia leo Filipi meu fo kota matua manai Makedonia, esa nde ndia. Filipi ia nde bee na nusa Roma nusa paletan ndia. Ami leo meme naa faik de'ubee dale na.

HATAHOLI 16:9

Le'odaen ndia duas lai Troas, boema Paulus nita ninitak esa. Nai ninitak ndia dalek, Paulus nita hataholi Makedonia esa napadeik nai mata na, boema hataholi ndia noke nanseli, fo neu leo Makedonia neu, fo ana tulu-fali duas.

HATAHOLI 18:12

Lelek fo Galio da'di gobelnol nai Akhaya boema, hataholi Yahudi la teikesa-dalekesa de ala la'ban Paulus, boema lon leo mana maketu-mala'di kala neu.

HATAHOLI 19:21

Basa manda'dik sila la late'e boema, Paulus ho'i nakeketuk fo neu leo Makedonia ma Akhaya neu, fo basa soona, nakandoo leo Yerusalem neu. Paulus nae, “Au u leo naa u fo basa soona, au muse u leo Roma u boe.”

HATAHOLI 9:13

Boema Ananias nafa'dan nae, “Lamatuak, au amanene hataholi ba'u ka kokolak hataholi ndia, lenak-lenak tutuni-ndendenik neu O hataholi kamahehelem manai Yerusalem mala.

1 KORINTUS 16:15

Tao lo beeo, emi malelak Stefanus ma uma isi nala. Hataholi sila la nde da'di hataholi kamahehelek makasososa nai Akhaya. Hataholi sila la no dale katematuak, laue-lale'di hehelik soaneu lalalau-laoono Manetualain hataholi kamahehele nala.

1 KORINTUS 16:5

Neukose au donge-dama emi, nai lelek au tuli tunga Makedonia, nana au tutu'u basan, au sanga singa tunga naa.

2 KORINTUS 1:16

Au dudu'a ae donge-dama emi nai au leleo-lala'ong leo Makedonia u, fo au tuli seluk emi nai au leleo-lala'o fafali ma'i nga dalek, fo ela emi tulu-fali au fo au akandoo leo Yudea u.

2 KORINTUS 11:9

Metema nai lelek ndia au to'a-taa soona, au beita tao susa ita emi hataholim esa boen. Tolano-tolanook fo manamaik leme Makedonia la mai a, sila nde tao latetu basa hata fo au paluu ka. Au anea matalolole fo ela au boso tao susa emi nai su'di dede'a bee ka dalek boen, ma neukose au anea akandoo fo ela dede'ak ndia nahele leondiak.

2 KORINTUS 2:13

Tehu au dale nga ta tesa-tama fa, nana au ta atongo o ita tolanoon Titus nai naa fa. Boema au ate'a hataholi manai mamanak ndia de au u leo Makedonia u.

2 KORINTUS 7:5

Lelek ami losa Makedonia boeo, ami ta hapu loak hahae aom makandondook fa. Neme basa boboak lala'ena, ami hapu toto'a-tataak: neme hataholi fe'ek, ami hapu nale'a-napilik, ma name ami dalem dale, ami hapu bibii-namata'uk.

2 KORINTUS 9:12

Nanahu tatao-nono'i malole fo emi tao-no'in ndia, ta ka'da tao natetu Manetualain hataholi kamahehele nala toto'a-tataan mesa kana fa, tehu neukose nini fe hataholi ba'u ka loke makasi neu Manetualain.

2 KORINTUS 9:2

Au bubuluk emi mahiik manseli tulu-fali, de au amatutua-amadedema basa emi neu hataholi manai Makedonia la so. Au afa'das ae, neme teu maneu ka, tolanook fo namahehelek esa fo manaleo nai Korintus nai nusak Akhaya, laheheleaon basa soaneu fe tutulu-fafalik so. Naa, te'e-te'e emi manggatem ndia, nafofo'a sila ba'u ka manggate na boe.

2 KORINTUS 9:4

Tehu au bibii ka'da boso nalosak hapu hataholi Makedonia la tunga sama-sama lo au nai lelek au ne'i. Ma metema ala hapu la emi beita maheheleaom fa soona, weh, mahani te se ami mae manseli, nana ami mafa'da basa mae, ami mamahele manseli neu emi! Ma neukose emi mae boe.

FILIPI 4:15

Tolano-tolanook fo manai Filipi la lemin! Emi bubuluk te'e-te'e, nai lelek makahulu na, au la'oela Makedonia, nai lelek makasososa na, au tao amaloloa Hala Malole ndia, emi mesa-mesa ma nde tulu-fali au a; emi mesa-mesa ma nde mame'da mita, nanalak ma tutu'dak sama-sama mo au a boe.

1 TESALONIKA 1:7

No enok ndia de, emi da'di natutu'duk esa soaneu basa hataholi kamahehelek fo manai Makedonia ma Akhaya lala'ena.

1 TESALONIKA 1:8

Nana mulai neme emi mai de, halak la'eneu Lamatua ka, nakapepela losa Makedonia ma Akhaya so. Tehu ta ka'da ndia mesa kana fa; nakalenak hala tutuik la'eneu tao leo bee de emi mamahele Manetualain boeo, ana losa mamanak lala'ena so de, ta paluu ami kokolak hata-hata so'on.

1 TESALONIKA 4:10

Nana emi matu'du basa susue-lalaik ndia neu emi tolanoom manai Makedonia la so. Tehu tolano-tolanoo ngala lemin, ami moke manseli, fo ela emi so'da ma, ana da'di malole seluk bai.

1 TIMOTIUS 1:3

Au nau o leo mahele meme Efesus, sama leo makahulu na, au afa'da basa o, ndek au u leo Makedonia u a. Nana nai Efesus, hapu hataholi de'ubee, ala tui-benga nanoli masa kala, de o muse mafa'da hataholi sila la, fo ala hahae tui-benga nanolik sila la.

FILEMON 1:5

Nanahu au amanene hataholi la lafa'da lae, tolanoo ka namahele te'e-te'e neu Lamatuak Yesus, ma tolano ka sue-lai basa Manetualain hataholi kamahehele nala.