ROMA 15:13 - Susula Malalaok Hehelu Palak Ma Hehelu Beuk

¹³ Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

ROMA 15:13 ပူးပေါင်းရင်းမြစ်များ

YESAYA 55:12

Neukose emi la'oela Babel no namahokok, ma nana-no falik no so'da-molek. Letek-kala, ma pupukuk-kala, neukose lamahoko-setelee, ma hika-latadale, ai manai tina-la, totoko liman-nala.

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

YOHANIS 14:1

Boema Yesus nafa'das nae, “Emi dale mala boso he'di sa, te mamahele Manetualain leona, ma mamahele Au boe.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ROMA 15:19

ma ninik manda'di beu kala ma dede'a matua ina la; basa sila la leme Manetualain Dula Dale na koasa na mai. Hala Malole la'eneu Kristu sa, au tui-benga basa-basan neu hataholi la, mulai neme Yerusalem losa Ilirikum.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

1 KORINTUS 2:4

Au anduku-alosak halak neu emi ndia, ta no dede'a-kokola makee-mamina, do tunga hataholi daebafa ka manatee teno na fa. Te au anduku-alosa kana ninik enok fo ana da'di buti nae, Manetualain Dula Dale na manakoasa.

2 KORINTUS 9:8

Manetualain nanuu koasa fe emi baba'e-papalak manasasi kao-kao ka, fo ela emi manuu hata fo emi paluu ka tataas esa; lena-lenak neukose emi manuu lenak soaneu tao malole ma soaneu tulu-fali hataholi.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

EFESUS 1:2

Au fo Paulus, fo Kristus Yesus hataholi nadedenun, no Manetualain hihii-nanaun de, au amahena ela leo bee na, ita Aman Manetualain ma Lamatuak Yesus Kristus fe baba'e-papalak ma so'da-molek neu emi.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

1 TIMOTIUS 1:1

Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.

IBRANI 6:11

Ami hii manseli fo ela emi esa-esak manggate makandoo losa mate'e na, nalosa emi sipo hata fo emi mamahenak ndia.

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

SEMUEL SUSULAK-KA ESAN-NA 1:18

Hana nataa nae, “Sa'di leo been-na, au hapu Ama dale susue-lalain.” Basa boema, neu na'a-ninu; ma dalen-na ta he'dis so'on.