ROMA 14:6 - Susula Malalaok Hehelu Palak Ma Hehelu Beuk

⁶ Hataholi fo namahele ka'da faik esa nde malole ndia, ana tao leondiak fo ana fe ha'da-holomata neu Lamatua ka. Boema hataholi fo na'a basa hata lala'ena ndia, ana tao leondiak fo ana fe ha'da-holomata neu Lamatua ka, nanahu noke makasi neu Manetualain hu ka nde nana'a-nininuk sila la. Leondiak boe, hataholi fo na'a ka'da nana'a mata kisa ka, hataholi ndia boeo ana fe ha'da-holomata neu Lamatua ka, ma noke makasi neu Manetualain.

ROMA 14:6 ပူးပေါင်းရင်းမြစ်များ

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

KELUARAN 12:42

Le'odaek ndia, Manetualain, nanea nakandoo, fo nos kalua leme Masir mai. Ma le'odaek ndia boe, nde le'odaek fo ala fen neu Manetualain, losa dodoon-na, fo da'di leo leo'daek nasanene'dak. Nai le'odaek ndia, hataholi Israel-la muse lanea.

KELUARAN 16:25

Musa nafa'da nae, “Emi nana'am soaneu faik ia, nde ndia, nana faik ia nde been-na, fai Sabat, fai hahaeaok soaneu fe ha'da-holomata neu Manetualain, de neukose, emi ta hapu nana'ak ndia faa anak boen, nai mamana oofuk-ka deak fa.

YESAYA 58:5

Metema emi okaaom-ma soona, emi fepa-li'u emi aoinam-ma; emi makatele emi langam-ma, sama leo na'u-a doon-na. Emi bela si'di lafa lapik, fo emi nggali afu leo lain neu, fo emi mangape'uk meu lain. Soona, emi mafa'da mae, okaaok-ka nde ndia do? Emi maedaenga, Au amahoko unik emi tatao-nono'im ndia do?

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

MATEOS 14:19

Basa boema nadenu hataholi makadotok sila la, langatuuk leu na'u lain. Boema Ana ho'i na loti bia kalima kala, ma i'a boa kaduak sila la, de nanganalo leo lalai neu, fo noke makasi neu Manetualain. Basa ndia boema, Ana tete'i loti sila la, de Ana fes leo ana mana tunga nala, fo ala baba'e fes leu hataholi makadotok sila la.

MATEOS 15:36

Boema Ana ho'i na loti kahitu kala ma i'a boa ka de'u beek sila la, de noke makasi neu Manetualain. Basa ndia boema Ana tete'i loti ma i'ak sila la, de Ana fes leo ana mana tunga nala, fo ala baba'e fen neu hataholi makadotok sila la.

YOHANIS 6:28

Boema latane Yesus lae, “Metema leondiak soona, ami muse tao leo beek fo besa ka nandaa no Manetualain hihii-nanaun?”

GALATIA 4:10

Fo emi sene do'ok neu fai malole, bula malole, ma teu malole.