ROMA 14:2 - Susula Malalaok Hehelu Palak Ma Hehelu Beuk

² Hataholi nggelok hahapu na nae, ndia na'a su'di bee ka. Tehu hataholi nggelok namahehele na bei tapandoes; ana hii na'a ka'da uta-aidoo mesa kana.

ROMA 14:2 ပူးပေါင်းရင်းမြစ်များ

KEJADIAN 1:29

Soaneu o nana'a-nininum soona, Au fe o basa hata manamolik mata-matak, fo labuna-laboa aide'ek, ma aiboak mata-matak lala'en-na.

KEJADIAN 9:3

Basa sila lala'en-na, bole da'di o nana'am-ma, fo nde bubu'u-palusa momo'dok-kala boe; Au fe o basa sila-la, fo ala da'di neu o nana'am-ma.

AMSAL 15:17

Malole lenak na'a aidoo, tehu na'an sama-sama no susue-lalaik, neme na'a paa mala'da, tehu na'an sama-sama no nakamuu-nakadauk.

DANIAL 1:12

“So'ba su'dik ami faik sanahulu dalen-na; fe ami mi'a ka'da aidoo ma minu oe mesak-kana.

DANIAL 1:16

Mulai neme faik ndia, manamanea ndia ta sadia fes nana'a-nininuk fo manek-ka naketuk-ka so'on, te la'a ka'da aidoo ma linu oe mesak-kana.

ROMA 14:1

Hataholi fo ta namahehele hata fo namahelen soona, emi muse sipo kana no malole. Boso male'a moon, la'eneu ndia hahapun ndia.

ROMA 14:14

Nanahu au da'di esa o Lamatuak Yesus so, de au amahele ta hapu hata esa boen fo manggenggeok so'on; tehu dede'ak ndia ana da'di manggenggeok soaneu hataholi esa, metema hataholi ndia nafa'da nae, hata ndia manggenggeok.

ROMA 14:20

Boso hu ka nde nana'a-nininu ka fo emi tao malutu hata fo Manetualain tao basak ndia. Memak basa nana'ak lala'ena ta nanakena-ka'ik soaneu ta'a fan; tehu metema hata fo emi mi'ak ndia nini sala-singok fe hataholi fe'ek soona, emi sala ndia so.

ROMA 15:1

Ita fo tamahehele te'e-te'e neu hata fo ita tamahelek ndia soona, ita boso haelai tamanasa hataholi fo namahehele na beita natea-nahele fa ndia, hahapu na. Ita boso tao tamahoko ka'da ita aoina na mesa kana.

1 KORINTUS 10:25

Emi bole mi'a su'di beek fo lase'on nai pasa paa. Boso palisak makahulu kana, leomae hapu kekena-kaka'ik nai emi dale bobongoanam dale.

1 KORINTUS 8:9

Tehu masanene'dak! Fo boso hu ka nde emi mi'a su'di bee ka – de emi tao ma hataholi fe'ek fo namahehele na beita natea-nahele fa ndia – da'di nasala-nasingo.

1 KORINTUS 9:22

Nai hataholi fo namahehele nala beita matea-mahele kala tala'da soona, au boeo tao sama leo hataholi fo namahehele na beita matea-mahelek fa, fo ela au bisa helas da'di Kristus ana manatungan. Dede'a keke'u na, au da'di su'di bee ka soaneu basa hataholi la, fo ela no enok leo bee ka boe, au bisa soi-tefa ala sila nggelok.

GALATIA 2:12

Makasososa na, na'a-ninu nakabubua no tolano-tolanook ta Yahudi la. Tehu lelek fo Yakobis nadenu hataholi la ala losa boema, nadook ao na neme tolano-tolanook ta Yahudi la ma ana ta nau na'a-ninu nakabubua nos so'ok, nana ana bii neu hataholi fo ala nau fo ela sunat basa hataholi la.

1 TIMOTIUS 4:4

Manetualain nakadada'dik basa hata lala'ena malole. Hu ndia de, metema ita sipon no hule-haladoik ma toke makasi neu Manetualain soona, ta hapu hata nana nalulik esa boen.

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.