ROMA 13:2 - Susula Malalaok Hehelu Palak Ma Hehelu Beuk

² Hu ndia de hataholi fo ana laban manapaleta, sama na leo ana laban hata fo Manetualain naketu basan. De hataholi manatao leondia ka, neukose ana hapu huhukuk.

ROMA 13:2 ပူးပေါင်းရင်းမြစ်များ

KELUARAN 16:8

Neukose, Manetualain fe emi paa nai fai le'donoson-na, ma ko'kis nai fai fafain-na, fo emi mi'a losa emi makabete, nanahu Manetualain namanene basa emi makamuu-muun so. Te'e-te'e, metema emi mamanasa ami soona, emi mamanasa Manetualain.”

YESAYA 58:2

Tunga faik, sila sene-do'ok neu Au, ma sila hii bubuluk Au hihii-nanaung, nono'kabai, sila tao hata fo malole, ma sila lilineka neu Au hoholo-lalaneng. Sila lafa'da, lae sila lamahoko sene-do'ok neu Au, ma lahiik Au hoholo-lalaneng, fo ndoos ma matetuk-ka.”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MARKUS 12:40

Ala tipu-dai inafalu la, ma ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu naseli. Hu ndia de, huhuku nala neukose bela ka!”

LUKAS 20:47

Ala ke'dindiu inafalu la fo ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu na seli. Hataholi matak leo ia kala, neukose huhuku nala bela ka!”

ROMA 13:1

Hataholi lala'ena muse tunga manapaleta paleta na, nana ta hapu manapaleta sa boen fo ana hapu koasa neme Manetualain mai fa. Manapaleta besak ia la, lakalala'ok paleta nala tunga Manetualain paleta na.

ROMA 13:3

Nana, hataholi manatao malole a, ta paluu bii manapaleta fa. Ka'da hataholi manatao mangalau ka nde muse ana bii. Metema emi nau fo ela emi boso bii neu manapaleta soona, emi muse tao malole, fo emi nanakoa-kiok.

ROMA 13:5

Hu ndia de, emi muse tunga manapaleta, ta ka'da hu ka nde emi ta nau ala huku emi fa te, hu ka nde neme emi dale bobongoana ma mai.

ROMA 9:19

Naa, neukose tolanoo ka mafa'da au mae, “Metema leondiak soona, tao le'e de Manetualain bei nau fe salak neu hataholi daebafa ka bai? Tete'e ka ta hapu hataholi esa boen hapu kena-ka'i na Manetualain dale hihii na fa do?”

TITUS 3:1

Mafa'da o salani mala, fo ala boso laban mauli-malangan ma mana koasa nai nusak dale a, boema ala tao-noi tatao-nono'i malole tataas esa.

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.

1 PETRUS 2:13

Hu ka nde Lamatua ka, de emi muse makatele neu mana koasa hataholi daebafa ka: nau neu Kesel fo ana da'di mana koasa makasososak,