ROMA 13:13 - Susula Malalaok Hehelu Palak Ma Hehelu Beuk

¹³ Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

ROMA 13:13 ပူးပေါင်းရင်းမြစ်များ

AMSAL 23:20

Boso leo-mapalasa moo hataholi manamafuk, do hataholi tenepetak,

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

HATAHOLI 2:15

Hataholi ia la ta mafuk sama leo emi dudu'am ndia fa, nana besa ka li'u sio fafaik.

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

GALATIA 5:21

boema nape'da dale ka, mana mafuk, feta-dote, ma bei nggelok seluk bai. Hu ka nde basa dede'ak sila la de, besak ia au fe emi nasanene'dak sama na leo makahulu na boeo, au fe emi nasanene'dak ae, basa hataholi mana tao-no'i tatao-nono'i leondia ka, neukose ana ta da'di lima-eik nai Manetualain hataholi kamahehele nala dalek fa.

EFESUS 4:1

Hu ndia de au hataholi nanatahan esa, fo nanatahan, hu ka nde au alalau-aoono Lamatua ka au oke alan seli neu emi: fo ela emi so'da ma natetu-nandaa no emi nangatutuu ma, da'dileo hataholi fo Manetualain nalo basan so.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

EFESUS 5:15

Hu ndia de, taoafik matalolole, o so'da ma eno-dalan. Boso maso'da sama leo hataholi nggoa kala; te maso'da sama leo hataholi malela kala.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 2:3

Boso tao-no'i hata esa, hu ka nde emi paluu ma mesa kana do soaneu mamatutua-mamadedema ao ma. Dede'a nasafali na, ela leo bee na emi esa-esak, no dale nakaloe aok nafa'da nae, hataholi fe'ek malole lena neme ndia ao ina na mai.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

1 TESALONIKA 2:12

Ami manoli-mafa'da emi, ami matetea-mahehele emi dale ma, ma ami makaseti emi fo ela emi maso'da tao leondiak fo nandaa no Manetualain dale na. Nana Manetualain nalo basa emi, fo sue ka nde emi da'di Ndia hataholin nai Daebafa Beu na dalek, ma emi mame'da mita matua-mademan.

1 TESALONIKA 4:12

Metema emi maso'da leondiak soona, emi ta mamahena hataholi so'on, ma hataholi fo ta lamahele Kristu sa, neukose ala fe ha'da-holomata neu emi.

1 TESALONIKA 5:17

ma hule-haladoi tataas esa.

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

1 YOHANIS 2:6

Metema see nafa'da nae, ndia naso'da no Manetualain soona, hataholi ndia muse tunga Kristus ei tata'bu na boe.

2 YOHANIS 1:4

Au amahoko anseli, nai lelek fo au amanene lae, Ina anan nggelok laso'da tunga Manetualain nanoli nala, sama leo Amak Manetualain paletan neu ita.

YUDAS 1:23

Tulu-fali hataholi fe'e kala fo daenga laso'da, nono'ka bai de, emi hela henis leme ha'i pilak dale mai. Tulu-fali hataholi fe'ek, tehu manea matalolole, fo daenga emi boso tunga hataholi sila la, sala-singon. Soaneu hataholi fe'e kala, ela leo bee na emi sue-lais no bibii-namatua'uk, tehu mamanasas, nakalenak bua papake nala, hu ka nde sala-singo nala.