ROMA 12:16 - Susula Malalaok Hehelu Palak Ma Hehelu Beuk

¹⁶ Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

ROMA 12:16 ပူးပေါင်းရင်းမြစ်များ

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

AYUB 36:5

Manetualain ndia, mabe'i-balakaik ma palani! Nalak basa hata lala'en-na. Ana ta nakadadaek hataholi esa boen.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 19:22

Ha'da-paliik fo, nananamahenak neme hataholi esa mai-a, nde lilinekan-na. Malole lenak nuu-taa hata-taak, neme da'di hataholi masapepeko-masandandalik.

AMSAL 19:7

Hataholi nuu-taa hata-taak-ka, tolanoon-na ta taoafik neu fan, nakalenak tia-lain-nala. Leomae ana sanga enok boe, tehu ana ta bisa hapu fas.

AMSAL 26:12

Hataholi fo, nggoan-na seli, malole lena neme hataholi fo, nafa'da nae ndia hataholi malelak.

AMSAL 26:5

Natatane nggoak-ka, muse nataan nenik natataa nggoak boe, fo ela manamatanek-ka, name'da nae ndia ta malelak, sama leo dale dodoon-na fa.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

YEREMIA 45:5

Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 26:11

Hataholi nu ta-hata ta kala lo emi tataas esa, tehu Au ta o ahele emi fa.

LUKAS 14:13

Da'di, metema o tao feta soona, ka'i hataholi nuu ta-hata tak, hataholi bu'u-ba'ek, hataholi lu'u eik, ma hataholi poke-pakek.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

ROMA 6:2

Tao leo beeo ta leondiak fa! Nana sala-singo ka, ta koasa ita so'on. Hu ndia de, hapu nai bee, ita bole tao sala-singok takandondoo henin?

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

1 KORINTUS 6:5

Mamaek nanseli! Tao leo bee o nai emi dalek hapu hataholi esa manatee teno na dai soaneu naketu-nala'di nale'a-napilik nai tolano-tolanook fo hataholi Salanik mesa-mesan.

1 KORINTUS 8:2

Hataholi fo naedaenga malela na ba'u ka ndia, tunga ndo na hataholi ndia beita nalelak dede'a mademaina la fa.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 3:16

Tehu au amahena, emi taoafik neu dede'a ka nde ia: Nai ita maso'da na dalek, ita muse tunga tahele nakanenetek fo ita tungan losa besak ia.

FILIPI 4:2

Ba'eneu neu au tolanoo inang Euodia ma au tolano inang Sintike! Au oke anseli, fo ela emi dua dalek esa da'dileo hataholi fo namahehelek esa.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 PETRUS 5:3

Boso tao emi ao ina ma, nono'kabai de, emi da'di mana koasa neu hataholi fo ala fe emi maneas ala, te emi muse da'di natutu'du malole soaneu hataholi sila.

3 YOHANIS 1:9

Au sulak fe Salani kala, susula keke'u anak ia so, tehu Diotrefes fo ana hii da'di mauli-malangan nai Salani ka dalek ndia, ana ta nau tunga au fa.