ROMA 11:4 - Susula Malalaok Hehelu Palak Ma Hehelu Beuk

⁴ Boema Manetualain nafa'da Elia nae le'e? Manetualain nae, “Au hele basa Au hataholing lifun hitu so. Hataholi sila beita songo-tango lita Nitu Baal la fa.”

ROMA 11:4 ပူးပေါင်းရင်းမြစ်များ

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

YESAYA 4:3

Bei ela hataholi manai Yerusalem-mala, hataholi fo Manetualain heles soaneu nanasoi-tefak-kala, neukose lokes lae, malalao-malalafuk.

YEREMIA 19:5

Ala lapadedeik mei tunu-hotuk ba'eneu Baal-la, soaneu sila fe anan-nala da'di neu tutunu-hohotuk, te sekona Au beita adenu ita sila tao-no'i dede'ak ndia fa. Nakalenak seluk bai dede'ak matak leondiak-ka beita da'di moli nita nai Au dudu'ang dale fa.

HOSEA 13:1

Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.

BILANGAN 25:3

Hu kande hataholi Israel-la, sene-do'ok neu Baal neme Peor, de Manetualain namanasas, de nafa'da Musa nae,

ULANGAN 4:3

Emi mita matam, hata fo emi Manetualaim-ma taon neme Letek Peor-ra so. Hataholi fo manasene-do'ok neu Baal nai mamanak ndia, Ana tao namopo-namates,