ROMA 11:28 - Susula Malalaok Hehelu Palak Ma Hehelu Beuk

²⁸ Hu ka nde hataholi Yahudi a, ta nau sipok Manetualain Hala Malole na fa de, ala dadi Manetualain musu noo nala; fo dede'ak ndia nini nanalak esa fe emi hataholi ta Yahudi la. Te hu ka nde Manetualain nde hele a de, Ana sue-lai nahele hataholi Yahudi sila la, hu sila bei-ba'ikai nala.

ROMA 11:28 ပူးပေါင်းရင်းမြစ်များ

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

MATEOS 21:43

Yesus nafa'da selu kasa nae, “Hu ndia de mafandendelek, emi manuu hak da'di lima eik neme Manetualain hataholi kamahehele nala mai, tehu emi hak ndia Manetualain hela fali kana, fo Ana fen leo leoina fo mana tao tunga Manetualain paleta na.

LUKAS 1:54

Ana tulu-fali Israel Ata na, tunga hehelu-balatak, fo Ana taon no ita bei-ba'ikai nala.

HATAHOLI 14:2

Tehu hataholi Yahudi kamahehele ta kala dudungu-papau hataholi ta Yahudi la, de nalosa lakamuu-lakadau hataholi fo lamahele neu Yesu sa.

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

ROMA 11:11

Au atane seluk bai: Lelek fo hataholi Yahudi la ala tu'da, ade dede'ak ndia da'di fo ela lakalulutuk do? Ta leondiak fa! Te hu ka nde sala-singo nala, de leoina fe'e kala nde hapu maso'da ka, nalosa hataholi Yahudi la, lape'da dalek neu leoina fe'ek sila la.

ROMA 11:30

Makahulu na emi ta tunga Manetualain fa. Tehu besak ia Manetualain nafa'da basa nae, hu ka nde hataholi Yahudi a ta nau tunga fa de, emi matapo'i neme sala-singo ka mai so.

ROMA 11:7

Da'di, tao leo beek bai? Hataholi Israe la ta hapu hata fo ala sanga ka fa. Manahapu nana ka'da hataholi bubuanak esa fo Manetualain hele basa hataholi sila la so. Fe'e kala soona, basa-basas ta nau lamanene Manetualain hala nalolo na fa.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

ULANGAN 4:31

Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.