ROMA 11:21 - Susula Malalaok Hehelu Palak Ma Hehelu Beuk

²¹ Nana metema Manetualain ta nanuu susue-lalaik soaneu tu'u tapaheni hataholi Yahudi la sama na leo ai ndana matetuk sila la, soona, boso maedaenga neukose Ana ta nanuu susue-lalaik soaneu tu'u tapaheni emi fa!

ROMA 11:21 ပူးပေါင်းရင်းမြစ်များ

YEREMIA 25:29

Neukose Au tao makasososa nakalulutuk ndia nai Au kotang-nga. Boso nalosak sila laedaenga neukose ata hapu huhukuk fa. Ta bole nae ta sila nanahuhuk nanahu neukose Au uni natee-natatik neu basa leoina daebafak ia poin. Au, Manetualain Fo Manakoasa nde manakokolak-ka.

YEREMIA 49:12

Hataholi fo ta nandaa huhukuk fa neukose ana hapu huhukuk boe, tao le'e de o ta? neukose o hapu huhukuk!

ROMA 11:17

Ai zetun na ndanan nggelok, fo nde hataholi Yahudi la, nake'di henik so. Ma nai nanake'di henik sila mamana na lakadiditak ai zetun fui ka ndana na, fo nde emi fo hataholi ta Yahudi la fa. Lakadiditak emi meu ndia, fo ela emi hapu mame'da mita basa hata malole lala'ena neme hataholi Yahudi la so'da samane na mai.

ROMA 11:19

Tehu besak ia neukose emi mafa'da mae, “Hei, tehu ai ndanak sila la nanatatihenik fo ela lakadiditak au neu ai huu na!”

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

ROMA 11:22

Da'di, no enok ia de, ita tita Manetualain dale malole na, ba'u na seli, ma nasa-melun boeo, ba'u na seli. Ana tao mangalalau sila fo manatao sala-singo kala, tehu dale na malole neu emi, sa'di emi maso'da mahele neme susue-lalain ndia mai. Metema ta soona, neukose emi boeo nanatu'u tapahenik.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

YUDAS 1:5

Basa sila la, emi bubulu kasa so. Tehu au nau fe seluk emi nasa nene'dak la'eneu, tao leo beek de Amak Manetualain soi-tefa na hataholi Israe la leme dae Masir a mai, tehu makabui na, hataholi Israel bee, ta namahele fa soona, Ana huku nisas.