ROMA 10:9 - Susula Malalaok Hehelu Palak Ma Hehelu Beuk

⁹ Nana metema emi manaku minik emi bafa ma mae, “Yesus ndia Lamatuak”, ma emi mamahele nai emi dalem dale mae, Manetualain tao naso'da falik Yesus neme mamate sa mai soona, neukose emi maso'da.

ROMA 10:9 ပူးပေါင်းရင်းမြစ်များ

LUKAS 12:8

“Mafandendelek leona: Te hataholi fo ana manaku nai lea matan nae ndia Au ana manatungang soona, ndia boeo neukose Ana Hataholi ka manakun nai Manetualain ata nusa so'da nala matan.

YOHANIS 9:22

Hataholi ndia ina aman lafa'da lae leondia, nanahu ala bii lasi-lasi Yahudi la. Hu ka nde basa malanga Yahudi la lalahalak basa lae, metema see manaku Yesus da'dileo Mane Mana Fe So'da ka soona, ta bole neu leo uma mamasok dale neu so'on.

HATAHOLI 16:31

Boema Paulus no Silas lataa lae, “Mamahele Lamatuak Yesus leona! Neukose o mo basa o uma isi mala lala'ena maso'da!”

HATAHOLI 2:24

Tehu Manetualain tao naso'da fali kana neme hataholi mana mate kala tala'da mai. Memak Ana mate te'e-te'e, tehu Manetualain se'i po'in, nana mamate sa ta hapu koasa fan.

HATAHOLI 2:32

Yesus ia, nde Manetualain tao naso'da fali kana neme mamate sa mai. Fo ami basa-basa mala ia, nde sakasii matam dede'ak ndia.

HATAHOLI 8:36

Ala losa mamanak esa nai eno tala'dak boema hapu oe nai ndia. Boema pegawi matua-madema ndia nafa'da Felipus nae, “Mitak oe a nde ndia so! Bei kulang beek seluk bai soaneu salani au?”

ROMA 10:10

Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

ROMA 14:11

Nai Susula Malalaok dale nanasulak nae, Lamatua ka nae, “Tete'e ka”, “neukose basa hataholi lala'ena, sene-do'ok nai Au mata nga; ma basa hataholi lala'ena, neukose ala manaku lae, Au nde Manetualai na.”

ROMA 14:9

Kristus mate de naso'da falik so. Hu ndia de Ana da'di Lamatuak soaneu hataholi maso'da kala ma soaneu hataholi manamate basa kala boe.

ROMA 4:24

tehu soaneu ita boe. Neukose ita boeo nanasipok da'dileo hataholi fa nadaa no Manetualain dale na boe, nanahu ita tamahele Manetualain fo manatao naso'da falik Yesus fo ita Lamatua na, neme mamate sa mai.

ROMA 8:34

Ade hapu hataholi nau fe salak neu ita do? Soona, mahani te Kristus Yesus nde nasala'e ita! Ndia nde manamate basa ka, ma naso'da falik neme mamate sa mai, de nangatuuk nai Manetualain boboa kona na.

1 KORINTUS 12:3

Emi muse bubuluk te, hataholi fo Manetualain Dula Dale na hela-nolen soona, ta bole kokolak nae, “Yesus nanasoo-supak!” Leondiak boe, ta hapu hataholi esa boen nafa'da nae, “Yesus nde Lamatua ka,” metema Manetualain Dula Dale na ta hela-nole hataholi ndia fa.

FILIPI 2:11

Basa-basas lala'ena, neukose ala manaku lae, Yesus Kristus nde Lamatua ka; no enok ndia Amak Manetualain nanakoa-kiok.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 YOHANIS 4:15

Ba'eneu see fo ana sipok Yesus ndia nde been-na Manetualain Anan soona, Manetualain naso'da no hataholi ndia, ma hataholi ndia boeo, naso'da no Manetualain.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.