ROMA 10:21 - Susula Malalaok Hehelu Palak Ma Hehelu Beuk

²¹ Tehu Yesaya kokolak la'eneu hataholi Israe la nae, “Manetualain nae leo ia, ‘Nai fai katemak esa dale na, Au lok Au lima nga neu leoina fo langa batuk ma ta tunga paleta fa.’ ”

ROMA 10:21 ပူးပေါင်းရင်းမြစ်များ

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

AMSAL 1:24

Au aloo basa emi so, tehu emi tipa au hala naloloong-nga, ma emi ta nau taoafik neu fan.

YEREMIA 25:4

Manetualain boeo nadenu tataas esa neu basa nabim-mala fo atan-nala lo emi-a neu, tehu emi ta nau mamanene ma tao afik neu fas.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

ULANGAN 9:13

Manetualain boeo, nafa'da au nae, ‘Au bubuluk leoina ndia, langabatu lanseli.

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.