ROMA 10:10 - Susula Malalaok Hehelu Palak Ma Hehelu Beuk

¹⁰ Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

ROMA 10:10 ပူးပေါင်းရင်းမြစ်များ

MARKUS 9:23

Boema Yesus naen nae, “O mae le'e? O mae, metema Ama hapu? Hata lala'ena ana da'di, sa'di hataholi a namahele!”

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

HATAHOLI 8:37

Boema Felipus nae, “Metema Tuan namahele no dale katematuak soona, bole salani Tuan leona.” Boema pegawi matua-madema Etiopia ndia nae, “Au amahele Yesus Kristus nde bee na Manetualain Anan.”

ROMA 10:11

Nai Susula Malalaok dale nanasulak nae, “Hataholi kamahehele ka dale na ta naba'e fa.”

ROMA 10:9

Nana metema emi manaku minik emi bafa ma mae, “Yesus ndia Lamatuak”, ma emi mamahele nai emi dalem dale mae, Manetualain tao naso'da falik Yesus neme mamate sa mai soona, neukose emi maso'da.

GALATIA 2:16

Tehu leomae leondiak boe, ami bubuluk basa, hataholi malole falik lo Manetualain, hu ka nde ka'da lamahele Yesus Kristus, te ta hu ka nde ala tao tunga agama hoholo-lalanen fa. Ami boeo mamahele Yesus Kristus fo tunga ami namahehelem ndia, de ami malole falik mo Manetualain, te ta hu ka nde ami tao tunga agama hoholo-lalanen fa. Nanahu hataholi ta esa boen, ana hapu malole falik no Manetualain fa, metema ana tunga ka'da agama hoholo-lalanen.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

1 YOHANIS 4:15

Ba'eneu see fo ana sipok Yesus ndia nde been-na Manetualain Anan soona, Manetualain naso'da no hataholi ndia, ma hataholi ndia boeo, naso'da no Manetualain.

NINITAK 2:13

Au bubuluk emi leo nai bee, fo nde nai mamanak fo Nitu paleta. Tehu emi lilineka mahele neu Au. Nakalenak lelek Antipas, Au sakasiing fo mana lilinekak ndia, nanataonisak nai emi matam nai Nitu mamana leleo na, emi ta malelesi mae emi mamahele neu Au fa.